អ្នកមានជំងឺប៉ុន្មានមុខនេះហាមកោសខ្យល់បើមិនចង់មានគ្រោះថ្នាក់ដល់ជីវិត

#ហាម# #គន្លឹះថែទាំសុខភាព# #មុខនេះ# #មានជំងឺ# #កោសខ្យល់# #សុខភាព# #គ្រោះថ្នាក់# #ជីវិត#

7735

ការកោសខ្យល់ជាវិធីសាស្ត្រពេញនិយមមួយរបស់ប្រជាជនកម្ពុជាក្នុងការព្យាបាលអាការខ្យល់គរ ផ្ដាសាយ ឈឺក្បាល និងចុកចាប់ផ្សេងៗ ជាដើម។ ប្រជាជនខ្មែរយើងភាគច្រើនយល់ថាពួកគេមានអារម្មណ៍ធូរស្រាលក្រោយកោសខ្យល់ដោយពុំចាំបាច់ប្រើថ្នាំពេទ្យ។ ចំពោះអ្នកខ្លះទៀតយល់ថាការកោសខ្យល់នេះជាវិធីដែលងាយស្រួលនិងមិនចាំបាច់ចំណាយលុយច្រើនដូចថ្នាំពេទ្យ។ ប៉ុន្តែការកោសខ្យល់គ្រោះថ្នាក់ខ្លាំងចំពោះមនុស្សវ័យកណ្ដាលឬមនុស្សចាស់ដែលមានជំងឺ លើសឈាម លើសជាតិខ្លាញ់ និងទឹកនោមផ្អែម។ ផលប៉ះពាល់នៃការកោសខ្យល់ដូចនេះថា ការកោសខ្យល់គឺងាយស្រួលហើយអាចធ្វើគ្រប់ពេល ហើយអ្នកជំងឺមានអារម្មណ៍ធូរស្រាលពីការឈឺចុកចាប់ គឺដោយសារតែជាតិសាលីស៊ីឡាត ដែលមានក្នុងប្រេងកូឡា ឬប្រេងខ្យល់ដែលវាអាចជួយបន្ថយអាការឈឺចុកចាប់។

ប៉ុន្តែការកោសខ្យល់បណ្ដាលឲ្យបែក ឬដាច់សរសៃឈាមតូចៗ ក្រោមស្បែកត្រង់កន្លែងដែលបានកោសនោះដែលយើងហៅថាស្នាមកោសខ្យល់។ ចំពោះអ្នកមានជំងឺលើសឈាមនៅពេលកោសខ្យល់យើងប្រើកម្លាំងដៃសង្កត់កោសប្រៀបដូចជាច្របាច់សរសៃឈាមដែលបណ្ដាលឲ្យសម្ពាធឈាមឡើងខ្ពស់ជាមួយនឹងរំញោចនៃភាពឈឺចាប់ពីការកោសទាំងពីរយ៉ាងនេះធ្វើឲ្យឈាមបុកខ្លាំងដែលធ្វើឲ្យអ្នកជំងឺដាច់សរសៃឈាមស្លាប់។

ចំពោះអ្នកលើសជាតិខ្លាញ់វិញគឺគ្រោះថ្នាក់ដោយសារសរសៃឈាមរបស់គាត់បានត្បៀតជាមួយខ្លាញ់រួចទៅហើយដូច្នេះនៅពេលកោសវាបណ្ដាលឲ្យដាច់សរសៃឈាមធ្វើឲ្យមានកំណកឈាមតូចៗ ហើយកំណកឈាមនោះបានហូរតាមសរសៃឈាមដងខ្លួនទៅស្ទះខួក្បាល, បេះដូង, សួត, ជាកន្លែងដែលមានសរសៃតូចៗ ដែលបណ្ដាលឲ្យស្ទះសរសៃឈាមស្លាប់។ លោកវេជ្ជបណ្ឌិតបន្ថែមថា "អ្នកមានជំងឺទឹកនោមផ្អែមក៏មិនគួរកោសដែរ ព្រោះអ្នកជំងឺទឹកនោមផ្អែមតែងមានអាការលើសឈាម និងលើសជាតិខ្លាញ់នេះឯង។"

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។