សម្ពន្ធមិត្តដ៏ជិតស្និទ្ធបំផុតរបស់ប្រធានាធិបតីបារាំង លោក ម៉ាក្រុង​ បានប្រកាសដកខ្លួន ចេញពីការប្រកួតប្រជែងតំណែង​អភិបាលក្រុង​​ប៉ារីស​ ក្រោយពេល​ឃ្លីបវីដេអូ​សិចរបស់លោក ត្រូវបានលាតត្រដាង តាមបណ្តាញអ៊ីនធឺរណែត ។

សារព័ត៌មាន ​AFP ​បានផ្សាយថា លោក​ Benjamin Griveauz ​អតីតអ្នកនាំពាក្យរដ្ឋាភិបាលបារាំង​ និងជាមិត្តជិតស្និទ្ធរបស់ប្រធានាធិបតី ម៉ាក្រុង បានសម្រេចដកខ្លួន​ កាលពីថ្ងៃទី​១៤ ខែកុម្ភៈ ក្រោយបែកធ្លាយឃ្លីបវីដេអូ និងសារ​ផ្ញើទៅកាន់ស្រីផ្សេង មិន មិនមែនជាភរិយារបស់លោក​។

លោក Benjamin Griveauz បានបញ្ជាក់ថា នេះជាការវាយប្រហារ​​អមនុស្សធម៌ទៅលើជីវិតផ្ទាល់ខ្លួនរបស់លោក ។ លោកបញ្ជាក់ទៀតថា គ្រួសាររបស់លោក បានក្លាយទៅជា​​គោលដៅ នៃការវាយប្រហារ​របស់គូប្រជែង​។

ការបង្ហោះ​រូបភាពខាងលើ គឺជាស្នាដៃរបស់លោក​ Petr Pavlensky អតីតតំណាងរាស្ត្ររុស្ស៊ី បានភៀសខ្លួនមកកាន់ប្រទេសបារាំង កាលពីឆ្នាំ​២០១៧។ លោក​ Petr Pavlensky ​បានប្រកាសថា ​Benjamin Griveauz ជាមនុស្សទីមួយ​​ ហើយនិងនៅមានអ្នកនយោបាយជាច្រើនរូបទៀត​ នឹងត្រូវបែកធ្លាយរឿងពិត៕​ ប្រែសម្រួលដោយ៖ MEO