នៅព្រឹកថ្ងៃទី ១ខែមេសានេះ ឧត្តមនាវី មេបញ្ចាការនៅលើនាវាផ្ទុកយន្តហោះ USS Theodore Roosevelt បានសរសេរលិខិត​ស្នើដល់កម្លាំងទាហានជើងទឹកអាមេរិក ជួយអន្តរាគមន៍ ក្នុងការ​ទប់ស្កាត់ការ​ឆ្លងរីករាលដាល នៃកូវីដ-១៩​ ក្រោយពេលមានទាហានរាប់សិបនាក់ នៅលើនាវានេះឆ្លងកូវីដ-១៩។

សារព័ត៌មាន​ New York Times ​បានផ្សាយថា ឧត្តមនាវី​ មេបញ្ជាការនាវាផ្ទុកយន្តហោះបានស្នើដល់ក្រសួងការពារជាតិអាមេរិក ឲ្យជួយ​ទប់ស្កាត់​ការឆ្លងរាលដាល នៅលើនាវាផ្ទុកយន្តហោះ​។ ​នៅពេលនេះ​មាន​ទាហានរាប់សិបនាក់ហើយ នៅលើនាវា USS Theodore Roosevelt បានឆ្លង​កូវីដ-១៩។ នាវាផ្ទុកយន្តហោះនេះ មាននាវិកដល់ទៅ​​៤ពាន់នាក់ បានឆ្លងវីរុសកូវីដ១៩ ប៉ុន្ដែបើមិនមានវិធានការទប់ស្កាត់ទេ វាអាចនឹងមានអ្នកឆ្លងកាន់តែច្រើនឡើង។

លោកឧត្តមនាវី​ Crozier ​បានសរសេរលិខិតផ្ញើទៅកាន់ក្រសួងការពារជាតិ ដែលមានខ្លឹមសារថា «យើងគ្មានសង្គ្រាម ទាហានមិនត្រូវស្លាប់ឡើយ។ បើយើងមិនទប់ស្កាត់​ពីពេលនេះទៅទេ វាអាចនឹងមានរឿងដ៏អាក្រក់​កើតឡើង​។

ទោះជាយ៉ាងណា រហូតមកទល់ពេលនេះ មាននាវិកនៅលើនាវាផ្ទុកយន្តហោះ USS Theodore Roosevelt ប្រមាណ​៤០នាក់បានឆ្លងកូវីដ-១៩ បង្កក្តីព្រួយបារម្ភយ៉ាងខ្លាំង​ដល់ទាហានទាំង​៤ពាន់នាក់នៅលើនាវានេះ​។ ប្រែសម្រួលដោយ ៖ ​MEO