ដោយសារតែវីរុសកូវីដ១៩កំពុងតែរាតត្បាត នៅតាមបណ្ដាប្រទេសនានា ជុំវិញពិភពលោក ទើបជំរុញឲ្យសណ្ឋាគារជាច្រើន នៅក្នុងទីក្រុងហូជីមិញ (ព្រៃនគរ) បង្ខំចិត្តបិទទ្វារ ហើយភ្ញៀវបរទេសដែលស្នាក់​នៅក្នុង​សណ្ឋាគារ ក៏ត្រូវរើទៅជួលនៅក្នុងផ្ទះល្វែងវិញ។

នៅក្នុងអំឡុងពេលមានការផ្ទុះឡើង នៃវីរុសកូវីដ១៩ និងការរឹតបន្ដឹងនូវការធ្វើដំណើរនោះមក ការកក់ ឬជួលបន្ទប់សណ្ឋាគារមិនមានឡើង។ ស្ថិតក្នុងស្ថានការណ៍បែបនេះ សណ្ឋាគារជាច្រើន នៅក្នុងទីក្រុងហូជីមិញ (ព្រៃនគរ)  ក៏ត្រូវបង្ខំចិត្តបិទទ្វារ ហើយបុគ្គលិកទាំងអស់សុំឲ្យឈប់សម្រាក ដោយមិនប្រាក់ខែ។

ជនជាតិដាណឺម៉ាកម្នាក់បានជួលបន្ទប់សណ្ឋាគារចំនួន២០ នៅក្នុងតំបន់ដែលមានមនុស្សច្រើន តាមផ្លូវ​ Pham Ngu Lao  ស្ថិតក្នុងខណ្ឌ១ ទីក្រុងហូជីមិញ។ ប៉ុន្ដែក្រោយពេលសណ្ឋាគារ​ត្រូវបិទទ្វារនោះ គាត់ក៏បានផ្លាស់ទៅកាន់ផ្ទះល្វែង នៅក្នុងខណ្ឌទី៣។

បើចាប់តាំងពីការផ្ទុះឡើង នៃវីរុសកូវីដ១៩ នៅក្នុងទីក្រុងវូហាន ខេត្តហ៊ូប៉ី នាភាគកណ្ដាល នៃប្រទេសចិននោះមក អាជ្ញាធរវៀតណាមបានខិតខំប្រឹងប្រែងយ៉ាងខ្លាំង ក្នុងការទប់ស្កាត់នូវជំងឺរលាកផ្លូវដង្ហើម ប្រភេទថ្មីនេះ។ វៀតណាមបានបិទព្រំដែន និងផ្អាកជើងហើរជាមួយនឹងប្រទេសណាដែលមានការឆ្លងរាលដាលខ្លាំង នៃវីរុសនេះ។

បើទោះជាវៀតណាមមានការខិតខំប្រឹងប្រែយ៉ាងនេះក្ដី តែរហូតមកល់ថ្ងៃទី៦ ខែមេសា ឆ្នាំ២០២០ នៅក្នុងប្រទេសកុម្មុយនីស្ដ មួយនេះ ក៏មានអ្នកឆ្លងកូវីដ១៩ ចំនួន២៤១នាក់ ក្នុងនោះមានអ្នកត្រូវព្យាបាលជាសះ ស្បើយចំនួន៩០នាក់៕ ប្រែសម្រួលដោយ Nuon