សារព័ត៌មាន​ AFP បានផ្សាយថា ក្រុមប្រឹក្សាសន្តិសុខអង្គការសហប្រជាជាតិ​នឹងបើកកិច្ចប្រជុំ អនឡាញជាលើកដំបូងស្តីពី​ ការឆ្លងរាតត្បាតនៃវីរុស កីវីដ-១៩​ នៅថ្ងៃទី៩ ខែមេសា ឆ្នាំ​២០២០។​

កិច្ចប្រជុំត្រូវបានឡើងគម្រោងជាមុន ក្រោយពេលប្រទេសជាសមាជិក មិនអចិន្ត្រៃ បានស្នើ កោះប្រជុំ ស្តីពីការឆ្លងរាលដាល កូវីដ-១៩​។ កន្លងអង្គការសហប្រជាតិ បានអនុម័តទៅលើសេចក្តីសម្រេច ​បង្កើនកិច្ចសហប្រតិបត្តិការជាលក្ខណអន្តរជាតិ​ប្រឆាំងកូវីដ-១៩ ។

កាលពីថ្ងៃទី ៦ខែមេសា​អ្នកនាំពាក្យអង្គការសហប្រជាជាតិ លោក Stephane Dujarric បានបញ្ជាក់ថា ​កូវីដ-១៩ បានធ្វើឲ្យអង្គការសហប្រជាជាតិ​បង្កើនការចំណាយខ្ពស់​ ក្នុងយុទ្ធសាស្ត្រ ទប់ស្កាត់ការឆ្លងរាលដាលកូវីដ-១៩។

បច្ចុប្បន្ន នៅលើពិភពលោក មាន ប្រទេសនិងដែនដី ចំនួន​២២៥មានអ្នកឆ្លងកូវីដ-១៩ ។ សរុបអ្នកឆ្លងនៅលើពិភពលោក គិតត្រឹមថ្ងៃត្រង់ ទី​៧ខែមេសា មាន អ្នកឆ្លង កើនឡើង ជាង​១ លាន ៣៤ម៉ឺននាក់ហើយ និងស្លាប់​ជាង ៧៤ម៉ឺននាក់ និង ព្យាបាលជាសះស្បើយជាង ២៧៦ ពាន់នាក់​៕ ប្រែសម្រួលដោយ៖ MEO