ក្លិប AC Milan ត្រូវបានគេរាយការណ៍ថា កំពុងឈានដល់កិច្ចព្រមព្រៀងផ្ទេរកីឡាករ Luka Jovic នៅរដូវក្តៅនេះហើយ បន្ទាប់ពីក្លិប Real Madrid យល់ព្រមបើកភ្លើងខៀវឱ្យខ្សែប្រយុទ្ធរូបនេះចាកចេញ។

យោងតាមគេហទំព័រនៅអ៊ីតាលី Le Bombe di Vlad បានឱ្យដឹងថា ភ្នាក់ងាររបស់កីឡាករ Jovic បានយល់ព្រមសំណើរបស់ក្លិប Milan ក្នុងការផ្ទេរចេញនៅរដូវក្តៅនេះហើយ។

ក្លិប Madrid បានចំណាយប្រាក់ចំនួន៦០លានផោន ដើម្បីផ្ទេរខ្សែប្រយុទ្ធសញ្ជាតិស៊ែប៊ីខាងលើ ពីក្លិប Eintracht Frankfurt មកកាន់ទឹកដី Santiago Bernabéu កាលពីដើមរដូវកាលនេះ។ ចាប់តាំងពីផ្លាស់មកអេស្ប៉ាញ រូបគេហាក់មិនសូវបានចូលលេងក្រោមការដឹកនាំរបស់លោក Zidane ឡើយ។ បច្ចុប្បន្ន រូបគេក៏កំពុងមានបញ្ហារបួសផងដែរ។

យ៉ាងណាក៏ដោយ ក្លិប Milan នៅតែចង់បាន Jovic មកជួយពង្រឹងតំបន់ប្រយុទ្ធបន្ថែម ស្របពេលដែលខ្សែប្រយុទ្ធគោលក្នុងក្រុម គឺកីឡាករ Zlatan Ibrahimovic កំពុងត្រៀមចាកចេញក្រោយបញ្ចប់រដូវកាលនេះ៕

កែសម្រួលដោយ៖ ភារ៉ា

ប្រភព៖ football-italia