ទំនាក់ទំនងរបស់ Sir Alex Ferguson និងកំពូលតារាបាល់ទាត់ Cristiano Ronaldo គឺពិតជាធំធេងមិនអាចកាត់ថៃ្លបាននោះទេ បើទោះបីជាពួកគេចំណាយពេលត្រឹម ៦ឆ្នាំ ធើ្វការជាមួយគ្នានៅក្នុងក្លឹបបិសាចក្រហម Manchester United ក៏ដោយ។

នៅក្នុងកិច្ចសម្ភាសនៃកម្មវិធី The Jonathan Toss Show កាលពីឆ្នាំ២០១៥ Ronaldo បាននិយាយថា៖ «គាត់ (​Sir Alex) ជាមនុស្សដ៏អស្ចារ្យណាស់។ គាត់រៀបចំ មើលថែរខ្ញុំយ៉ាងល្អ។ ដូចដែលខ្ញុំបាននិយាយរាល់ដងចឹង គាត់ប្រៀបបានដូចជាឪពុកខ្ញុំ ក្នុងបាល់ទាត់ចឹង»។

«ដូច្នេះហើយ ខ្ញុំត្រូវតែគោរពនៅអ្វីដែលគាត់ធើ្វមកលើខ្ញុំ។ ខ្ញុំឆ្លងកាត់៦ឆ្នាំនៅ Manchester នៅទីនោះ, ឈ្នះពានជាច្រើន។ វាជាពេលវេលាមួយដ៏ល្អ» Ronaldo បន្ថែម៕

ដោយ៖ សុគន្ធតារា