អ៊ីរ៉ង់ សាកល្បងមីស៊ីលបាញ់ចំគោលដៅ កណ្តាសមុទ្រអូម៉ង់

#អូម៉ង់# #មីស៊ីល# #អ៊ីរ៉ង់# #សង្គម# #សាកល្បង# #នយោបាយជាតិ#

5053

កម្លាំងទាហានអ៊ីរ៉ង់ បានសាកល្បងមីស៊ីលប្រឆាំងនាវាចម្បាំងថ្មី ដែលអាចបាញ់បានដល់ទៅ២៨០គីឡូម៉ែត្រ។ ការបាញ់សាកល្បងធ្វើឡើង ក្នុងពេលកម្លាំងទាហានជើងទឹកប្រទេសនេះ ធ្វើសមយុទ្ធទ្រង់ទ្រាយធំ ។

សារព័ត៌មាន RT សមយុទ្ធបានធ្វើឡើងនៅដែនសមុទ្រអូម៉ង់ ។ ឃ្លីបវីដេអូ បានបង្ហាញឲ្យឃើញថា មីស៊ីលប្រឆាំងនាវាចម្បាំង បានបាញ់ចេញពីជើងទម្រ នៅលើដីគោក។ មីស៊ីលនោះ បានបាញ់ចំគោលដៅ ជានាវាចាស់នៅកណ្តាលសមុទ្រ មានចម្ងាយដល់ទៅ២៨០គីឡូម៉ែត្រ។

ការបាញ់សាកល្បងមីស៊ីលខាងលើរបស់អ៊ីរ៉ង់ ជាសញ្ញាបង្ហាញឲ្យឃើញថា អ៊ីរ៉ង់មានការវិវឌ្ឍយ៉ាងខ្លាំង ក្នុងវិស័យផលិតអាវុធការពារជាតិ។ លោក Habibollah Sayyari មេទ័ពជើងទឹកអ៊ីរ៉ង់ បានបញ្ជាក់ថា មីស៊ីលខាងលើ គឺជាក្តីសង្ឃឹមសម្រាប់កម្លាំងទាហានអ៊ីរ៉ង់ ទប់ស្កាត់រាល់ការគំរាមកំហែងរបស់សត្រូវ។

ការសាកល្បងមីស៊ីលខាងលើ បានធ្វើឡើង ក្រោយឧបទ្ទវហេតុបាញ់មីស៊ីលខុសបច្ចេកទេស បណ្តាលឲ្យទាហាន អ៊ីរ៉ង់២០នាក់ស្លាប់និងរបួស៕ ប្រែសម្រួលដោយ៖ MEO

បណ្ដុំព័ត៌មានសំខាន់ៗប្រចាំថ្ងៃ

18259មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។