ក្រុមហ៊ុន BLU ដែលមានមូលដ្ឋាននៅសហរដ្ឋអាមេរិកបានបង្ហាញទូរសព្ទស៊េរី G90 ជាមួយអេក្រង់ទំហំ 6.5 inch ប្រភេទ IPS LCD ជាមួយនឹងកម្រិតភាពច្បាស់ HD + និងកាមេរ៉ាខាងមុខទំហំ 13MP។ នៅផ្នែកខាងក្រោយ មានកាមេរ៉ាបីគ្រាប់ដែលមួយមានទំហំ 16MP មួយទៀតជាកាមេរ៉ាចាប់យករូបភាពដែលមានទំហំ 8MP និងមួយទៀតមានទំហំ 2MP និងមានឧបករណ៍ដោះសោដោយប្រើស្នាមម្រាមដៃផងដែរ។

ទូរសព្ទ BLU G90 នេះ ដំណើរការដោយបន្ទះឈីប MediaTek Helio A25 ភ្ជាប់មកជាមួយ RAM ទំហំ 4GB និងអង្គផ្ទុកទិន្នន័យ 64GB ដែលអាចបន្ថែមបានតាមរយៈរន្ធ microSD ។ ទូរសព្ទនេះដំណើរការប្រព័ន្ធប្រតិបត្តិការ Android 10 ខណៈពេលដែលថាមពលថ្មរហូតទៅដល់ 4,000 mAh ហើយក៏មានឆ្នាំងសាក 10W ផងដែរ ។ 

ទូរសព្ទ BLU G90 មានពណ៌ខ្មៅ ពណ៍ស្វាយខ្ចី ហើយនឹងដាក់លក់រាយក្នុងតម្លៃ ១៥០ ដុល្លារ។ ទូរសព្ទនេះផងដែរបានដាក់លក់រួចហើយនៅសហរដ្ឋអាមេរិកតាមរយៈក្រុមហ៊ុន Amazon ជាមួយនឹងការបញ្ចុះតម្លៃ ៥០ ដុល្លារ ឯណោះ ៕

ប្រែសម្រួលដោយ៖ វិបុត្រ

ប្រភព៖ gsmarena