គ្រូបង្វឹកក្រុមតោខៀវ Chelsea លោក Frank Lampard មានប្រសាសន៍ថា ខ្ញុំជឿជាក់ថាក្រុមកីឡាយុវជនវ័យក្មេងរបស់ខ្ញុំ អាចជួយឱ្យក្រុមប្រជែងយកពានរង្វាន់ក្របខ័ណ្ឌ Premier League នាពេលអនាគតបាន ។

នៅក្នុងយុទ្ធនាការដំបូងរបស់លោកក្នុងនាមជាគ្រូបង្វឹកនៃក្របខ័ណ្ឌ Premier League លោក Lampard បានដឹកនាំក្រុមតោខៀវ Chelsea ឈរនៅចំណាត់ថ្នាក់លេខ៣ ដោយនៅសល់ ៣ប្រកួតទៀត ដែលធ្វើឱ្យពួកគេអាចគ្រប់គ្រងក្តីសង្ឃឹមរបស់ពួកគេក្នុងវគ្គជម្រុះនៃក្របខ័ណ្ឌ Champions League ។

កីឡារករវ័យក្មេងរបស់ក្លិបតោខៀវដូចជា កីឡាករ Mason Mount, កីឡាករ Tammy Abraham, កីឡាករ Reece James និង កីឡាករ Fikayo Tomori ត្រូវបានបញ្ចូលទៅក្នុងក្រុមដំបូងដោយជោគជ័យនៅរដូវកាលនេះ រីឯកីឡាករ Hakim Ziyech និង Timo Werner កំពុងតែត្រៀមចុះកិច្ចសន្យាជាមួយក្លិបបន្ថែមទៀតផងដែរ ៕

ប្រែសម្រួលដោយ៖ វិបុត្រ

ប្រភព៖ skysport