ត្រីពុលងាប់ជាច្រើនក្បាល នៅក្នុងប្រឡាយទឹកព្រែកទូកមាស

#កសិកម្ម# #មិនដឹងមូលហេតុ# #សង្គម# #ត្រីពុលងាប់# #បាក់ទំនប់ទឹក#

10901

ត្រីជាច្រើនក្បាល ត្រូវបានងាប់ដោយមិនដឹងមូលហេតុ នៅក្នុងប្រឡាយទឹកព្រែកទូកមាស ស្ថិតនៅក្នុងភូមិចម្លងជ្រៃ ឃុំទូកមាសខាងលិច ស្រុកបន្ទាយមាស ខេត្តកំពត។

ប្រភពពីប្រជាពលរដ្ឋរស់នៅក្នុងតំបន់បានឱ្យដឹងថា ពួកគេមិនដឹងអំពីមូលហេតុដែលបណ្តាលឱ្យ ដែលរស់នៅក្នុងប្រឡាយទឹកព្រែកនេះ ពុលងាប់នោះទេ។

ហេតុការណ៍ត្រីពុលងាប់នេះ ត្រូវបានកើតឡើងតាំងពីថ្ងៃទី២៧ កក្តដា ហើយប្រជាពលរដ្ឋបាននាំគ្នាចុះទៅចាប់ត្រីដែលអណ្តែតឡើងលើទឹក។

បើតាមប្រជាពលរដ្ឋម្នាក់បានឱ្យដឹងថា ខ្លួនមិនសូវហ៊ានចុះទៅក្នុងទឹកដងត្រីទេ ដោយសាតែធុំក្លិនទឹកនោះស្អុយខ្លាំងពេក ថែមទាំងរមាស់ទៀតផង ។

ជុំវិញរឿងនេះ លោកចាន់ រឹទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពត បានឱ្យដឹងថា កាលពីរសៀលថ្ងៃទី២៨ កក្កដា ថា លោកបានប្រាប់ទៅមន្ត្រីជលផលប្រចាំការនៅស្រុកកំពង់ត្រាចរួចពាក់ព័ន្ធ រឿងករណីត្រីពុលនៅឯស្រុកបន្ទាយមាស។

ជាមួយគ្នាផងដែរ លោកប៉ោ វី អភិបាលរងស្រុកបន្ទាយមាស បានថ្លែងប្រាប់បានឱ្យដឹងដែរថា ទំនប់ទឹកមួយនៅព្រែកទូកមាស ត្រូវបានបាក់ហូរចុះតាមដងព្រែក កាលពីព្រឹកថ្ងៃទី២៧ កក្កដា។ ការបាក់ទំនប់បណ្តាលឱ្យមានមានកាកសំណល់ស្អុយរលួយ។ ដោយ៖ ត្នោត

បណ្ដុំព័ត៌មានសំខាន់ៗប្រចាំថ្ងៃ

18259មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។