ការសម្តែងអំពីគ្រោះថ្នាក់ដ៏ធំមួយត្រូវ​បានធ្វើឡើងនៅទីក្រុង ​Pattaya កាលពីម្សិលមិញដោយក្រុមប៉ូលិសនិងក្រុម​សង្គ្រោះបន្ទាន់ដែលមានគោលបំណងព្រមានអ្នកបើកបរម៉ូតូទាំងឡាយអំពីការពាក់មួកសុវត្ថិភាព។

​ការសម្តែងនេះដឹកនាំដោយលោកវរសេនីយ៍ទោ Tanyawit Mabeechot មន្ត្រីនគរបាល​ឃុំ Nongprue និងក្រុមសង្គ្រោះបន្ទាន់មកពីក្រុង Pattaya ។

​ការសម្តែងនេះត្រូវបានអនុវត្ត​ធ្វើជាមានឧប្បត្តិហេតុ​មួយនៅ​ក្បែរផ្លូវដែកប៉ែកខាងត្បូងក្រុង​ Pattaya ។ ឧប្បត្តិហេតុនេះ​និយាយអំពី រថយន្តមួយបានបុកជាមួយម៉ូតូ ២ គ្រឿងហើយក្នុងនោះមនុស្ស ៤ នាក់​សម្ដែងជាអ្នករងរបួស។

វរសេនីយ៍ទោ Tanyawit បាននិយាយថាឈុតឆាកនេះគឺដើម្បីព្រមានអ្នកស្រុកនៅតំបន់នោះថាតើមួកសុវត្ថិភាពមានសារៈសំខាន់ប៉ុណ្ណាក្នុងការបើកបរ លើសពីនេះការបើកបរយឺត ៗក៏ជារឿងដែលជួយកាត់បន្ថយគ្រោះថ្នាក់ចរាចរណ៍បានផងដែរ ។ ប៉ូលិសនិងអ្នក​សង្គ្រោះបន្ទាន់​បានសម្តែងទៅតាមតថភាពជាក់ស្តែងគឺមានអ្នករងរបួសនិងការសង្គ្រោះបន្ទាន់រួមទាំងមានបង្ហាញពីកន្លែងដែលអាចគ្រោះថ្នាក់នៅពេលមិនពាក់មួកសុវត្ថិភាពផងដែរ៕

កែសម្រួលដោយ៖ ភារ៉ា

ប្រភព៖ the pattya news