ពុទ្ធសាសនាមានទិសដៅ៤ចំណុចដើម្បីប្រយោជន៍ទូទៅ

#សិល្បៈ និងវប្បធម៌# #ពុទ្ធសាសនា# #ចំណេះដឹង# #ធនធាន# #អ្នកដទៃ#

14000

ព្រះពុទ្ធសាសនាមានទិសដៅ៤ចំណុចដើម្បីជាប្រយោជន៍ដល់អង្គភាព ឬសហគមន៍ទាំងមូលមានសុខសន្តិភាព គឺសុខកើតអំពីការមិនយកប្រៀបលើគ្នា និងការរួមគ្នាដោះស្រាយបញ្ហាដែលកើតឡើង ។

១-ជាបុគ្គលដែលមានខ្លួនស្មោះស្មើមិនយកប្រៀបលើគ្នា ជួយគ្នាដោះស្រាយបញ្ហាដែលកើតឡើង ថែមទាំងមិនប្រកាន់ខ្លួន មិនលើកតម្កើងខ្លួនឯង ហើយមើលងាយអ្នកដទៃ ។

២-ពោលវាចាពីរោះពិសា ពាក្យសុភាពផ្អែមល្ហែមទៅកាន់បុគ្គលដទៃ ដែលកំពុងជួប នូវសេចក្តីទុក្ខ មានការបាត់បង់បុគ្គលជាទីស្រឡាញ់ជាដើម ។

៣-ប្រព្រឹត្តការងារជាប្រយោជន៍ គឺជាការធ្វើនូវអំពើល្អសម្រាប់ខ្លួនឯងផង សម្រាប់អ្នកដទៃផង ។

៤-ការចែកធនធាន និងចំណេះដឹងរបស់ខ្លួនឱ្យដល់អ្នកដទៃ ដែលកំពុងខ្វះខាត ។

បើសង្គមមនុស្សទាំងអស់ធ្វើតាមទិសដៅ៤ចំណុចនេះឱ្យបានព្រមគ្នា នោះសង្គមជាតិទាំងមូលនឹងមានសុខសន្តិភាពជាក់ជាមិនខាន ។ ផ្តល់សិទ្ធដោយ៖កោះសន្តិភាព

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។