កម្មវិធីប្រគល់់ពានរង្វាន់ទូរទស្សន៍អាស៊ីលើកទី ២៥ នឹងត្រូវប្រារព្ធធ្វើឡើងយ៉ាងធំអស្ចារ្យនៅប្រទេសកម្ពុជា ក្នុងរាជធានីភ្នំពេញ ជាលើកដំបូងដែលមិនធ្លាប់មានពីមុនមក នាខែមករា ឆ្នាំ២០២១ បន្ទាប់ពីរយៈពេល ២៤ ឆ្នាំដែលទទួលបានជោគជ័យយ៉ាងធំធេង។

កម្មវិធីដ៏អធិកអធមនេះមានការចូលរួមពីប្រទេសចំនួន ១១ និងតារាប្រុសស្រីល្បីៗនៅតំបន់អាស៊ីជាង ៦០ នាក់ដែលចូលរួមក្នុងកម្មវិធីប្រគល់ពានរង្វាន់នេះនឹងក្លាយជារង្វាន់ធំបំផុតនៅក្នុងប្រទេសនេះ។ សូមអញ្ជើញចូលរួមក្នុងកម្មវិធីជំនួបអ្នកគាំទ្រនិងជួបជាមួយវត្តមានតារាល្បីៗក្នុងប្រទេសកម្ពុជាដែលត្រៀមចូលរួមក្នុងកម្មវិធីប្រគល់រង្វាន់ទូរទស្សន៍អាស៊ីលើកទី ២៥ នាថ្ងៃទី ៧ ខែកញ្ញាឆ្នាំ ២០២០ ដូចជាតារាចម្រៀង ពេជ្រ សោភា, កញ្ញា ស៊ីន យូប៊ីន,កញ្ញា មាន សូនីតា, លោក ម៉ានិត, ក្រុម SWSB, និងក្រុមរាំ OMG នៅភោជនីយដ្ឋាន Banana Leaf ក្នុងផ្សារទំនើបជីបម៉ុងណូរ៉ូម៉ល វេលាម៉ោង ២ៈ៣០ ល្ងាចដល់ ៥ៈ៣០ ល្ងាច៕