រាល់ថ្ងៃនេះអ្នកចង់បានរាងស្អាតខ្លាំងណាស់ ដល់ថ្នាក់ពេលខ្លះកាត់បន្ថយអាហារមានជាតិខ្លាញ់និងអាហារផ្សេងៗដែលអាចបណ្ដាលឲ្យឡើងទម្ងន់បាន ហាត់ប្រាណក៏ហាត់ប៉ុន្តែពេលក្រឡេកមកមើលទម្ងន់ខ្លួនឯងវិញវានៅតែឡើង តើវាមកពីមូលអ្វីទៅ?

ខាងក្រោមនេះជាទម្លាប់ពេលព្រឹង ៣ យ៉ាងដែលធ្វើឲ្យអ្នកឡើងទម្ងន់ដោយមិនដឹងខ្លួន៖

១. ទទួលទានអាហារពេលព្រឹកតិចពេក

ក្រុមអ្នកស្រាវជ្រាវផ្នែកសុខភាពនៃប្រទេសអ៊ីស្ត្រាអែលបានបង្ហាញថាអ្នកគួរតែទទួលទានអាហារពេលព្រឹកឲ្យបានច្រើនគ្រប់គ្រាន់។ ហើយអាហារដែលល្អបំផុតនោះគឺត្រូវមានផ្ទុកប្រូតេអ៊ីន ៦០០កាឡូរី និងកាបូនអ៊ីដ្រាត ហើយត្រូវមានបង្អែមខ្លះៗ។

២. គេងច្រើនពេក

យោងតាមការរកឃើញថ្មីមួយរបស់វេជ្ជសាស្ត្រល្បីរបស់អាមេរិក PLOS1 បានបង្ហាញថាការគេងលើសពីដប់ម៉ោងក្នុងមួយយប់អាចបណ្ដាលឲ្យសន្ទស្សម៉ាសរាងកាយឡើងខ្ពស់គួរឲ្យកត់សម្គាល់។ ដូច្នេះហើយទើបអ្នកជំនាញផ្នែកសុខភាពជាច្រើនបានណែនាំឲ្យយើងគេងចាប់ពី ៧ ទៅ ៩ ម៉ោងជារៀងរាល់យប់។

៣. មិនរៀបចំកន្លែងគេង

តាមការបង្ហាញរបស់អ្នកជំនាញខាងដំណេករបស់អាមេរិកបាននិយាយថាអ្នកដែលមិនរៀបចំកន្លែងគេងឲ្យបានស្អាតនិងមានផាកសុខភាពងាយប្រឈមនឹងការកើតជំងឺធាត់ដោយសារតែគេងមិនបានលក់ស្កប់ស្កល់។ អត្ថបទដោយ៖ រីតា