នៅពេលដែលផ្នែករដ្ឋបាលរបស់លោក Trump បានប្រកាសផែនការហាមឃាត់លើការប្រើប្រាស់ TikTok និង WeChat ពី app stores របស់អាមេរិកនៅសប្ដាហ៍នេះ ក្រុមអ្នកជំនាញបច្ចេកវិទ្យា និងរដ្ឋាភិបាលមួយចំនួនបានរំលឹកពីយុទ្ធសាស្ត្រតឹងរឹងលើអ៊ីនធឺណេតដូចជា ប្រទេសចិន។

ច្បាស់ដូចឆ្លុះកញ្ចក់ចិនប្រើវិធីសាស្ត្រ “ជញ្ជាំងភ្លើង(great firewall)” បិទកម្មវិធី និងវែបផ្សាយដែលទំនងជាប៉ះពាល់ដល់រដ្ឋាភិបាល និងផលប្រយោជន៍របស់រដ្ឋ។ ខណៈពេលដែលគ្រប់គ្នាស្គាល់ក្រុមហ៊ុនបច្ចេកវិទ្យាអាមេរិកជាអ្នកតតាំងដើម្បីសេរីភាពទូលាយក្នុងការប្រើប្រាស់អ៊ីនធឺណេតដោយមិនមានការគ្រប់គ្រងទូទាំងពិភពលោក ហើយវាបានបង្កើនភាពតានតឹងផ្នែកនយោបាយសេដ្ឋកិច្ចរវាងអាមេរិក និងចិនជាបន្តបន្ទាប់។

ការហាមឃាត់លើ TikTok និង WeChat ដោយផ្អែកលើហេតុផលថាវាជាកម្មវិធីមានមូលដ្ឋានក្នុងប្រទេសចិនហើយចិនមានច្បាប់លើកម្មវិធីក្នុងប្រទេសខ្លួនដោយតម្រូវឲ្យប្រគល់ទិន្នន័យស្នើសុំណាមួយឲ្យទៅរដ្ឋាភិបាលចិន។ ប៉ុន្តែធាតុពិតបម្រាមទាំងនេះគឺវាទាក់ទងនឹងសង្គ្រាមពាណិជ្ជកម្មរវាងប្រទេសទាំងពីរដែលស្ថិតនៅក្រោមអំណាចលោក Trump និងលោក Xi Jinping។

ដូចដែលបានរៀបរាប់នៅខាងលើ យោងតាមបម្រាមហាមឃាត់ប្រជាជនអាមេរិកលើការដោនឡូតប្រើប្រាស់កម្មវិធី TikTok និង WeChat វាជាសញ្ញាគួរឲ្យកត់សម្គាល់ថាអាមេរិកក៏មិនខុសអីពីចិនដែលបិទសិទ្ធិសេរីភាពប្រជាជាតិក្នុងការប្រើប្រាស់បណ្ដាលអ៊ីនធឺណេត និងអាចមានផលប៉ះពាល់ដល់រហសនាមអាមេរិកដែលគេស្គាល់ថាជាប្រទេសសេរី។ ប្រែសម្រួលដោយ៖ រីតា