១៥ថ្ងៃ បុណ្យភ្ជុំបិណ្ឌ អគ្គិភ័យកើតឡើង ២៦លើក មានទាំងឆេះកុដ្ឋ និងសាលឆាន់ទៀត

#អគ្គិភ័យ# #កុដ្ឋ# #ភ្ជុំបិណ្ឌ# #សង្គម# #ឆេះសាលឆាន់# #ព័ត៌មានសង្គម#

10311

ភ្នំពេញ៖ រយៈពេល ១៥ ថ្ងៃនៃពិធីបុណ្យភ្ជុំបិណ្ឌ ចាប់ពីថ្ងៃទី ០៣-១៨ ខែកញ្ញា ឆ្នាំ ២០២០ មានករណីអគ្គិភ័យកើតឡើងចំនួន ២៦លើក ថយចុះចំនួន ៣លើក បានធៀបនឹងឆ្នាំ ២០១៩។ នេះបើយោងតាមរបាយការណ៍របស់នាយកដ្ឋាននគរបាលបង្ការពន្លត់អគ្គិភ័យ និងសង្គ្រោះនៃអគ្គស្នងការដ្ឋាននគរបាលជាតិ នៅថ្ងៃទី ២០ ខែកញ្ញា។

បើតាមរបាយការណ៍ ករណីអគ្គិភ័យ ដែលកើតឡើងទាំង ២៦លើកនេះ មូលហេតុ បណ្តាលមកពីចរន្តអគ្គីសនីចំនួន ៩លើក, ប្រើប្រាស់ភ្លើងទានធូប ចំនួន ៩លើក, ផ្ទុះហ្គាសចំនួន ១ លើក ក្តាប់ពុំបាន ២លើក ដោយបំផ្លិចបំផ្លាញអស់ ផ្ទះចំនួន ១៧ខ្នងកុដ្ឋចំនួន ២ខ្នងសាលឆាន់ចំនួន ១ខ្នងតូបលក់ដូរចំនួន ២៣០តូចបន្ទប់ចំនួន ១បន្ទប់ រោងសិប្បកម្ម ចំនួន ១ឆេះរោងចក្រ ចំនួន ១ឆេះយានដ្ឋាន ចំនួន ១ឆេះរថយន្តចំនួន ២គ្រឿង និងម៉ូតូចំនួន ២គ្រឿង។

យ៉ាងណា បើប្រៀបធៀបរយៈពេល ០៣ថ្ងៃ នៃពិធីបុណ្យភ្ជុំបិណ្ឌ ២០១៩ និង ឆ្នាំ២០២០ គឺអគ្គិភ័យកើតឡើងចំនួន ៨ លើកដូចគ្នា។

របាយការណ៍បានបញ្ជាក់ថា គ្រោះអគ្គិភ័យកើតឡើងខាងលើនេះ មិនបង្កគ្រោះថ្នាក់ដល់អាយុជីវិតមនុស្សនោះទេ៕ ដោយ៖ ទួន សុផល

បណ្ដុំព័ត៌មានសំខាន់ៗប្រចាំថ្ងៃ

18259មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។