រាល់វិនាទីដំបូងនៅពេលព្រឹក យើងត្រូវធ្វើរឿងគប្បីនឹងខ្លួនឯង សមាធិ ហាត់ប្រាណ ទទួលទានអាហារ ធ្វើលំហាត់ខួរក្បាល -ល-។

ខាងក្រោមនេះនឹងជួយអ្នកបំពេញកាតព្វកិច្ចកាន់តែល្អ៖

១. មុនហាស្តី ត្រូវគិត៖

ពាក្យពិត មិនមែនចេះតែនិយាយបានគ្រប់ពេលនោះទេ ត្រូវមើលកាលៈទេសៈ ត្រូវមើលចិត្តមនុស្ស។ ពាក្យពិតរែងស្តែង ដូចនេះហើយ មុនស្រដីអ្វីមួយ ត្រូវស្គាល់ចិត្តគំនិតអ្នកនោះឱ្យច្បាស់ជាមុនសិន។ 

២. រក្សាប្រតិកម្មផ្ទាល់ខ្លួន៖

សំដៅលើផ្លូវអារម្មណ៍ដែលងាយរងការប៉ះទង្គិច។ ពេញមួយថ្ងៃ មិនមែនសុទ្ធតែត្រូវប្រទះរឿងល្អគ្រប់វិនាទីនោះទេ ដូច្នេះមិនត្រូវបណ្តោយឱ្យសកម្មភាពរបស់ណា ឬពាក្យសម្តីអ្នកណា បំផ្លាញច្បាប់នៃក្តីសុខផ្លុវចិត្តរបស់អ្នកឱ្យសោះ។ រៀនកុំខ្វល់នឹងពាក្យបញ្ចើចបញ្ជើ កុំក្រោធបើគ្រាន់ជួបអ្វីមិនសមបំណងនៅថ្ងៃនេះ។ កុំប្រើប្រតិកម្មធម្មជាតិរហ័សពេក ទៅកាន់ស្ថានភាពណាមួយ។

៣. ឈ្នះចុះ ខ្ញុំចាញ់៖ 

«ចាញ់បានជាព្រះ ឈ្នះបានជាមារ» សុភាសិតនេះមិនខុសទេ។ ត្រូវចេះដើរចេញចំពោះជម្លោះ កុំតតាំង កុំចង់ចាញ់ឈ្នះ ព្រោះចុងក្រោយអ្នកណាក៏ខាតបង់ដែរ។

៤. រក្សាមាត់៖

មិនថានៅផ្ទះ ឬនៅទីណា ជាពិសេសកន្លែងធ្វើការ អ្នកត្រូវប្រយ័ត្នមាត់បន្តិច។ បើមានជំនុំពីអ្វីមួយ អ្នកគ្រាន់តែស្តាប់បានហើយ កុំបញ្ចេញយោបល់ច្រើន កុំចេះដឹងរឿងគេព្រោះវាអាចនាំកទុក្ខទោសដល់ខ្លួន។

៥. និយាយតែពាក្យល្អ៖

លើលោកនេះគ្មានអ្នកណាដែលថា មិនចូលស្តាប់ពាក្យល្អចំពោះគេនោះទេ។ ដូចនេះរៀនសរសើរអ្នកទដៃខ្លះទៅ ដើម្បីបង្កើតទំនាក់ទំនងល្អ។

ខ្ញុំសង្ឃឹមថា អ្នកទាំងអស់គ្នានឹងពេញចិត្តវត្ថុបំណង៥យ៉ាងនេះ ពីខ្ញុំ Moon Noch