ចំណេះ​ដឹង​សកល៖ បុរសម្នាក់​ដែលគេស្គាល់​ថា ជាអ្នកថត​រូប សត្វព្រៃ​អាជីពម្នាក់​ បានថតផ្តិត​​យករូបភាព​សត្វ ភេនឃ្វីន​មួយក្បាលដែល​មានពណ៌​ចំណែកខុស​ពី​ភេនឃ្វីន​ដទៃទៀត។​

បុរស​ជនជាតិ​ប៊ែលហ្សិក​ រូបនេះមាន ឈ្មោះថា Yves Adams ​។​ ជារឿយៗ ​តែងដើរ​ប្រមាញ់​ ថតយក​រូបភាព​ ពីជីវិត​សត្វព្រៃ ​មិនដែលខាន​។ កាលពីឆ្នាំ ២០១៩ កន្លងទៅ រូ​ប​លោក​បាន ដឹកនាំ​ក្រុម អ្នកថតរូប​មួយក្រុម ដើម្បី​ទៅផ្តិត​យក​ទិដ្ឋភាព​ ដ៏ស្រស់បំព្រង​ នៅភាគខាងត្បូង តំបន់អាត្លង់ទិច។​

ពេលទៅដល់កោះមួយ នៅតំបន់ South Georgia​ ក្រុមលោក Adams បានប្រទះឃើញហ្វូងសត្វ ភេនឃ្វីនជាង១២មុឺនក្បាល ហើយ​មាន​​ភេនឃ្វីន​ ១​ក្បាលពណ៌​លឿងខុសប្លែកពីគេ។ សត្វភេនឃ្វីន​មានសម្បុរពណ៌លឿងនេះ ត្រូវបានគេជឿថា​ មានតែមួយប៉ុណ្ណោះ​​នៅលើពិភពលោក៕