យ៉ាងហោចណាស់ ក៏មានមនុស្ស២នាក់បានស្លាប់ និងជាច្រើននាក់ផ្សេងទៀត បានរងរបួស នៅក្នុងហេតុការណ៍ការបាញ់ប្រហារមួយ កាលពីថ្ងៃទី៣០ ខែមេសា ឆ្នាំ២០១៩ នៅក្នុងមហាវិទ្យាល័យ Carolina  នាភាគខាងជើង នៃរដ្ឋការ៉ូលីណា (Carolina)  សហរដ្ឋអាមេរិក។ 

ជនដៃដល់ នៅក្នុងការបាញ់ប្រហារខាងលើនេះ ត្រូវបានសមត្ថកិច្ចអាមេរិកឃាត់ខ្លួន នៅនឹងកន្លែង ចំណែកសាលារៀនត្រូវបានបិទទ្វារជាបណ្តោះអាសន្ន។

យោងតាមបណ្តាញទូរទស្សន៍ WBTV បានផ្សាយថា ហេតុការណ៍បាញ់ប្រហារខាងលើ បានកើតឡើង នៅវេលាម៉ោង៥ និង៤៥នាទីព្រឹក  (ម៉ោងអាមេរិក) ថ្ងៃទី៣០ ខែមេសា នៅជិតអគាររដ្ឋបាល Kennedy Hall នៃមហាវិទ្យាល័យខាងលើ ហើយរហូតមកទល់ពេលនេះ មិនទាន់មានព័ត៌មាន ស្តីពីចំនួនអ្នករងរបួសនៅឡើយ។ ដោយឡែកប៉ូលិសក៏មិនទាន់បានបញ្ជាក់ អំពីអត្តសញ្ញាណរបស់ជនដៃដល់នៅឡើយដែរ។

បើតាមគេហទំព័ររបស់មហាវិទ្យាល័យ Carolina  បានបញ្ជាក់ថា នៅក្នុងមហាវិទ្យាល័យនេះ មាននិស្សិត ២៦ ៥០០នាក់ កំពុងសិក្សា និងមានសាស្ត្រាចារ្យ ព្រមទាំងបុគ្គលិក ប្រមាណ៣០០០នាក់ទៀត៕