
Rachana
· 2019-08-03
សូមមកដឹង! ពីប្រវត្តិ និងអត្ថន័យរបស់រូបសំណាក «កាំភ្លើងកួចកាណុង»
#រូបសំណាក# #ចំណេះដឹង# #អប់រំ និងការងារ#
0
១-អត្ថន័យរូបសំណាកកាំភ្លើងកួចកាណុង
ដោយឡែកប្រទេសកម្ពុជារូបសំណាកកាំភ្លើងកួចកាណុង (Non-Violence sculpture) ដែលស្ថិតនៅរង្វង់មូលស្ពានជ្រោយចង្វារនេះ គឺតំណាងឲ្យភាពគ្មានអំពើហឹង្សា ជាពិសេសគឺការបញ្ចប់សង្រ្គាមបង្ហូរឈាមរវាងខ្មែរ និងខ្មែរ ដែលនាំមកនូវសន្តិភាព និងការអភិវឌ្ឍសម្រាប់ប្រទេសកម្ពុជា។
រូបសំណាកនេះផលិតឡើងពីកាំភ្លើងរាប់ពាន់ដើម ដែលជាសំណល់ប្រមូលបានពីសង្រ្គាម និងការប្រគល់ជូនពីប្រជាពលរដ្ឋ បន្ទាប់ពីមានការអំពាវនាវរបស់លោកនាយករដ្ឋមន្រ្តីហ៊ុន សែន ក្នុងឆ្នាំ១៩៩៧ ក្រោយពីកម្ពុជាបានបញ្ចប់សង្រ្គាមស៊ីវិលរបស់ខ្លួនជាស្ថាពរ ហើយវាត្រូវបានដាក់សម្ភោធនៅក្នុងខែឧសភា ឆ្នាំ១៩៩៨។
២-ប្រវត្តិរូបសំណាកកាំភ្លើងកួចកាណុង
រូបសំណាកកាំភ្លើងកួចកាណុងមុនដំបូងគេបង្អស់ ត្រូវបានស្ថាបនាឡើងដោយស្ថាបត្យករស៊ុយអ៊ែតម្នាក់ គឺលោក Carl Fredrik Reuterswarp។ លោកបានស្ថាបនារូបសំណាកនេះឡើងក្រោយពីមិត្តភ័ក្ត របស់លោកម្នាក់ឈ្មោះ John Lennon ដែលជាតារាចម្រៀងដ៏ល្បីមួយរូបនៅក្នុងក្រុម Beatle ត្រូវបានគេបាញ់សម្លាញ់នៅសហរដ្ឋអាមេរិចក្នុងឆ្នាំ១៩៨០។
ក្រោយមកលោកបានប្រគល់រូបសំណាកាំភ្លើងកួចកាណុងនេះទៅឲ្យអង្គការសហប្រជាជាតិ នៅក្នុងឆ្នាំ ១៩៨៨ ហើយវាត្រូវបានគេដាក់តាំងបង្ហាញនៅទីសាធារណៈ និងក្លាយជាទីចាប់អារម្មណ៍មួយនៅក្នុងទីក្រុងញ៉ូវយ៉ករហូតមកដល់ពេលបច្ចុប្បន្ននេះ។
បច្ចុប្បន្ននេះមានរូបសំណាកកាំភ្លើងកួចកាណុងយ៉ាងតិចចំនួន ១៧ទៀត នៅតាមបណ្ដាប្រទេសនានា ជុំវិញពិភពលោកក្នុងនោះមានដូចជា ប្រទេសស៊ុយអ៊ែត បារាំង អាហ្រិ្វចខាងត្បូង ស្វីស អាឡឺម៉ង់ សហរដ្ឋអាមេរិច ចិន លុច សំបួ និងដាណឺម៉ាក់ជាដើម។ ហើយក្នុងនោះប្រទេសស៊ុយអ៊ែតមានរហូតដល់ទៅចំនួន ១០ រូបសំណាកឯណោះ៕
免责声明
本文来自柬埔寨头条客户端自媒体,不代表柬埔寨头条观点和立场。如存在侵权问题,联系立删。
精彩推荐
ជាន់ចំជង្រុកទ្រព្យ! ម្ចាស់ឆ្នាំទាំង ៣ បន្ទាប់ពីថ្ងៃនេះទៅ លាភសំណាងចូលមកបន្តកន្ទុយគ្នា

សញ្ញាទាំង ២០ បញ្ជាក់ថា ជីវិតអ្នកកំពុងតែបោះជំហានទៅមុខកាន់តែល្អប្រសើរហើយ តើអ្នកមានចំណុចទាំងនេះទេ?

មនុស្សដែលមានលក្ខណៈទាំង ៣ ចំណុចនេះ ជីវិតជួបតែរឿងអាក្រក់ ធ្វើអ្វីក៏មិនជោគជ័យដែរ

ធ្វើជាមនុស្ស បើមិនចង់មានសម្ពាធ ត្រូវរៀនសូត្រពីចំណុចសំខាន់ទាំង៣នេ

全部评论 (0)
暂无评论