ទីបំផុតតារាចម្រៀង និងជាតារារ៉េបដ៏ស្រស់ស្អាត គឺកញ្ញា Yezi បានបង្ហាញរូបភាពក៏ដូចជាឈុតខ្លះៗសម្រាប់អាល់ប៊ុមទោល ដែលមានចំណងជើងថា "Home" ដែលនឹងត្រៀមចេញលក់ជាផ្លូវការ ក្នុងពេលឆាប់ៗនេះ ។

តាមរយៈរូបភាពខ្លីៗរបស់កញ្ញា Yezi ដែលបានបញ្ចេញឈុតខ្លីៗ សម្រាប់អាល់ប៊ុមទោលរបស់កញ្ញា ដែលមានចំណងជើងថា "Home" នោះ រូបភាពនីមួយៗបានពណ៌នាពីអារម្មណ៍ស្មុគស្មាញជាមួយភាពឯការបស់នារីម្នាក់ ដែលនៅក្នុងខ្លួនហាក់បីដូចជាទទេរស្អាតគ្មានអ្វីសោះ ព្រមទាំងបង្ហាញពីការតស៊ូ និងពុះពារជាមួយបញ្ហា ។

គួរបញ្ជាក់ផងដែរថា អាល់ប៊ុមថ្មីរបស់កញ្ញា Yezi គ្រោងនឹងចេញផ្សាយនៅថ្ងៃទី ៥ ខែមីនាខាងមុខនេះ។ តើប្រិយមិត្តយល់យ៉ាង​ណាដែរចំពោះរូបភាពខ្លីៗរបស់នាងទាំងអស់នេះ? ជឿជាក់ថា អ្នកគាំទ្រ របស់កញ្ញា Yezi ទាំងអស់ នឹងត្រៀមចាំអាល់ប៊ុមដ៏ពិសេសរបស់កញ្ញា ដែលត្រៀមចេញលក់ជាផ្លូវការក្នុងពេលឆាប់ៗនេះ ៕

ដោយ : ធារ៉ា

ប្រភព : allkpop