Sabay
· 2020-05-04
មានម៉ាកទូរសព្ទ ២ប៉ុណ្ណោះ កើនឡើងចំនួនលក់ពេលកើតវិបត្តិកូវីដ១៩
#Canalys# #បច្ចេកវិទ្យា# #ទូរសព្ទ# #Samsung# #Counterpoint Research# #Huawei#
3897
របាយការណ៍អំពីទីផ្សារស្មាតហ្វូនប្រចាំត្រីមាសទី ១ ឆ្នាំ ២០២០ បានចេញមកហើយ ដោយទិន្នន័យពីក្រុមហ៊ុនស្រាវជ្រាវចំនួនបី បានបង្ហាញអំពីការថយចុះចំនួនលក់ពីរខ្ទង់នៅទូទាំងសកលលោក ដោយសារការផ្ទុះជំងឺកូវីដ១៩។
តួលេខរបស់ Canalys និង Counterpoint Research បានបង្ហាញថាចំនួនលក់ស្មាតហ្វូននៅត្រីមាសទី ១ ឆ្នាំ ២០២០ នេះគឺថយចុះ ១៣% ធៀបនឹងឆ្នាំមុន ចំណែក Omida វិញនិយាយថាចំនួនលក់មានការថយចុះ ១៦%។
តួលេខរបស់ក្រុមហ៊ុនទាំងបីសុទ្ធតែបានបង្ហាញថា ម៉ាកទូរសព្ទធំទាំងបី (Samsung, Huawei និង Huawei) មានការថយចុះចំនួនលក់ដូចគ្នា ដោយ Samsung និង Huawei ថយចុះចន្លោះពី ១៧% ទៅ ១៨% ហើយ Apple មានថយចុះចន្លោះ ៥% ទៅ ១២%។
របាយការណ៍ពី Canalys និង Counterpoint បានឲ្យដឹងថាក្នុងចំណោមម៉ាកទូរសព្ទធំទាំង ៥ មានតែ Xiaomi (ឈរនៅចំណាត់ថ្នាក់លេខ ៤) ប៉ុណ្ណោះ ដែលមានការកើនឡើងចំនួនលក់ (ចន្លោះពី ៧% ទៅ ៩%)។ ប៉ុន្តែរបាយការណ៍របស់ Omida វិញបង្ហាញថាចំនួនលក់របស់ Xiaomi មានថយចុះ ៨,២%។
Omida និង Counterpoint Research បានបង្ហាញដែរថាម៉ាក realme មានកំណើនខ្លាំងជាងគេអំឡុងត្រីមាសទី ១ ដែលមានកំណើនចំនួនលក់ចន្លោះពី ៨៨% ទៅ ១៥៧% ឯណោះ។ Canalys មិនបានបញ្ចូល realme ក្នុងរបាយការណ៍របស់ខ្លួនឡើយ។ក្រុមហ៊ុនស្រាវជ្រាវទីផ្សារពីរបាននិយាយថាក្រុមហ៊ុនផលិតស្មាតហ្វូនកំពុងត្រៀមចិត្តសម្រាប់ការធ្លាក់ចុះកាន់តែខ្លាំងសម្រាប់ត្រីមាសទី ២ នាឆ្នាំ ២០២០ នេះ ប៉ុន្តែចាប់ពីត្រីមាសទី ៣ ទៅអាចមានកំណើនឡើងវិញ៕
免责声明
本文来自柬埔寨头条客户端自媒体，不代表柬埔寨头条观点和立场。如存在侵权问题，联系立删。
精彩推荐
ស្ត្រី «អភ័ព្ទ» ដែលច្រើនតែនិយាយពាក្យ៣ប្រយោគនេះ ជីវិតគឺមិនអាចប្រសើរឡើងទេ
អាថ៌កំបាំងទាំង៣យ៉ាងដែលត្រូវរៀន «ចិញ្ចឹមមុខ ចិញ្ចឹមមាត់ ចិញ្ចឹមចិត្ត» អាចនាំសំណាងមកក្នុងជីវិត
ក្រសួងយុត្តិធម៌បើកសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ ទិសដៅការងារជាអាទិភាពឆ្នាំ២០២៥
Harbin ពង្រីកពេលវេលាឆ្លងកាត់លើកលែងទិដ្ឋាការ
全部评论 (0)