ទំនាក់ទំនងដំបូងរបស់យើងគឺតាម​facebook តាមរយ:ការផុស Comments ឆ្លើយឆ្លងគ្នា ហើយបន្ទាប់មកក៏ចាប់ផ្តើមស្និទ្ធស្នាល ពេលបន្ទាប់មកទៀតខ្ញុំក៏ចាប់ផ្តើមឆាតទៅរកអ្នក ការជជែកលើកដំបូងរបស់អ្នកមកកាន់ខ្ញុំវាពិតជាបង្ហាញឲ្យខ្ញុំឃើញថាអ្នកជាមនុស្សដែលល្អអាចនិយាយបានថាជាមនុស្សដែលខ្ញុំតាមរក យើងលេងឆាតជាមួយគ្នាអស់រយ:ពេលប្រហែល៣ខែក៏បានសួរខ្ញុំថា «យើងចូលចិត្តខ្ញុំមែន?» សំណួរបស់អ្នកវាធ្វើឪ្យខ្ញុំរាងភ័យបន្តិចព្រោះមិនដឹងឆ្លើយបែបណាខ្ញុំក៏ឆ្លើយតបទៅវិញថា ខ្ញុំលួចមានចិត្តលើយើងយូរហើយ...! គេក៏និយាយថាយូរហើយមិចមិនប្រាប់ ខ្ញុំក៏មានចិត្តលើយើងដែរ ខ្ញុំឮដូច្នេះខ្ញុំអរខ្លាំងណាស់... 

កន្លងផុត២ខែទៀតយើងទាំង២ក៏បានក្លាយជាសង្សារនឹងគ្នា ហឹម​! ស្នេហាអីចឹងតើណ៎វាអាចធ្វើឪ្យយើងមានក្តីសុខណាស់តែឥឡូវខ្ញុំមិនសូវបានលេងឆាតជាមួយសង្សាររបស់ខ្ញុំទេគេថាគេរវល់រៀន ថ្ងៃខ្លះឆាតបានតែ១០នាទីថ្ងៃខ្លះក៏មិនបានលេងសោះ ថ្ងៃខ្លះខ្ញុំដេកចាំឆាតរបស់គេរហូតដល់គេងលក់ហើយពេលភ្ញាក់មកខ្ញុំស្មានតែគេមើលសាររបស់ខ្ញុំហើយតែចុងក្រោយអត់មើលដដែល ...

រូបតំណាង

កន្លងមកប្រហែល១ខែទៀត​ ខ្ញុំចាប់ផ្តើមsadខ្ញុំតែងតែឆាតទៅគេមុនរហូតគេonlineសឹងតែ២៤ម៉ោងតែគេមិនងាយតបឆាតខ្ញុំទេ ខ្ញុំក៏ចាប់ផ្តើមសង្ស័យគេហើយក៏ខឹងគេបន្តិចដែរពេលដែលគេតបឆាតរបស់ខ្ញុំ ខ្ញុំក៏សួរគេថា មិចបានឥឡូវមិនឆាតមកខ្ញុំអីចឹង? គេតបវិញថា ខ្ញុំរវល់ខ្ញុំតបវិញថា រវល់ៗៗៗៗៗៗ! តែonlineសឹង២៤ម៉ោងហើយ ទុកខ្ញុំចោលរហូត មិចចង់មើលងាយក្តីស្រឡាញ់មែន? ខ្ញុំនិយាយដូចរាងជ្រុលពេក គេស្ងាត់ប្រហែល១នាទីទើបតបឆាតវិញដោយសរសេរថា «ចុះបើរខ្ញុំប្រាប់ថា ស្រឡាញ់អ្នកពី៩០%ធ្លាក់មកដល់៤០%ជឿអត់?» ទឹកភ្នែកខ្ញុំចាប់ផ្តើមហូរ ខ្ញុំក៏តបវិញថា ហេតុអីបាននិយាយបែបនឹង?​ គេតបថា «ក្តីស្រឡាញ់ មនុស្សកំពុងស្រឡាញ់សុខៗក៏ស្រាប់តែអស់ចិត្តដោយមិនដឹងមូលហេតុ!» ខ្ញុំចាប់ផ្តើមយល់នៅពាក្យរបស់គេ យើងជជែកគ្នាប្រហែល១ម៉ោង ខ្ញុំចាប់ផ្តើមដាក់ទូរស័ព្ទចុះហើយទឹកភ្នែកខ្ញុំ​ស្រក់មកតក់ៗមិនដឹងមកពីណា «ពេលនេះយើងបែកគ្នាហើយ!!!!»​ ខ្ញុំយំខ្លាំងម្នាក់ឯងក្នុងបន្ទប់ ខ្ញុំមិនអាចប្រាប់រឿងនេះទៅអ្នកណាបានក្រៅពីខ្លួនឯងទេ 

រយ:ពេលកន្លងមកគេធ្វើឲ្យខ្ញុំស្រឡាញ់គេខ្លាំង ធ្វើឲ្យខ្ញុំផ្តល់ក្តីឡាញ់ទៅកាន់គេអស់ដោយមិនទុកសម្រាប់ស្រឡាញ់ខ្លួនឯងសោះ! ខ្ញុំក៏មិនដឹងថា មូលហេតុការដោះសាររបស់គេចំពោះការសុំបែកខ្ញុំនេះពិតឬក៏អត់នោះទេ...

រូបតំណាង

ហឹម​! អស់រយ:ពេលច្រើនខែកន្លងមកនេះខ្ញុំមិនទាន់កាត់ចិត្តពីគេបានទេ ប្រសិនបើអាចខ្ញុំចង់បានគេត្រឡប់មកវិញណាស់ 

Exហ៎ា! ខ្ញុំនៅស្រឡាញ់អ្នក! ខ្ញុំនឹកអ្នក! ខ្ញុំចង់ឮសំលេងរបស់អ្នក! ខ្ញុំចង់ឃើញពាក្យgood night good night របស់អ្នក! បើរសួរខ្ញុំថាបំភ្លេចអ្នកបាននៅ ខ្ញុំចង់ប្រាប់ថានៅទេ ខ្ញុំនៅតែស្រឡាញ់អ្នកដូចដើម ព្រោះអ្នកជាមនុស្សដំបូង...។ល។

អត្ថបទដើម៖ ឡាត់​​ ដាវីដ