លោកតាសួងគឺជាអ្នកសច្ចំ ភ្នំត្បែងដែលល្បីថាមានបារមី អាចបំបាំងខ្លួន ឬធ្វើអោយឃើញជាក្មេង រឺចាស់ ដោយគ្រងស្បង់ជីពរដូចលោកសង្ឃផង មិនតែប៉ុណ្ណោះលោកតាក៏ចេះវិជ្ជាព្យាបាលបែបបុរាណ បូករួមជាមួយនិងវិទ្យាសាស្ត្រ ក្នុងនោះលោកតាបានទៅព្យាបាលឲ្យកូនស្តេចថៃ ដែលគ្មានគ្រូពេទ្យណាអាចព្យាបាលជា ។ 

ចាប់តាំងពីពេលនោះមកលោកតា ត្រូវបានព្រះមហាក្សត្រនៃប្រទេសថៃគោរពបូជានិងតែងតែអញ្ជើញទៅព្យាបាលជូន រហូតទទួកបានងារជាទេវតាដើរដីថែមទៀតផង ។ 

លោកតាសួងគឺជាអ្នកសច្ចំភ្នំត្បែងដែលរស់នៅតែតាមព្រៃភ្នំ ប្រើជីវិតជាមនុស្សសមញ្ញ មិនត្រូវការលុយកាក់ មាសប្រាក់ ទ្រព្យសម្បត្តិ តែអកុសលលោកតាបានសុគត នៅខេត្ដព្រះវិហារ ហើយសពត្រូវបានដឹកទៅដាក់ក្នុងវត្តមួយនៅខេត្តសុរិន្ទប្រទេសថៃ អស់រយៈពេល១៥ឆ្នាំមកហើយ ។ 

ក្នុងនោះផងដែលស្តេចថៃ និងប្រជារាស្ត្រ បានគោរពបូជាលោកតា ក៏ដូចជាស្តេចថៃជារៀងរាល់មួយឆ្នាំម្តងបានទៅផ្លាស់ប្តូរស្បងជីពរឲ្យលោកតាម្តង ៕