លោកអធិការនគរបាលស្រុកល្វាឯម បានឲ្យដឹងថា ការដែលលោកដឹកនាំកម្លាំងសមត្ថកិច្ចចុះសម្របសម្រួលអប់រំ និងពង្រឹងច្បាប់ចរាចរណ៍ផ្លូវគោក បែបនេះ គឺដើម្បីការពារសុវត្ថិភាពជូនប្រជាពលរដ្ឋ និងកាត់បន្ថយនូវអត្រានៃគ្រោះថ្នាក់ចរាចរណ៍ ក្នុងឱកាសបងប្អូនប្រជាពលរដ្ឋធ្វើដំណើរទៅលេងស្រុកកំណើត នាពេលចូលឆ្នាំថ្មី ប្រពៃណីជាតិ ខាងមុខនេះ។

ជាចុងក្រោយ លោកអធិការនគរបាលស្រុកល្វាឯម សូមបងប្អូនប្រជាពលរដ្ឋ ចូលរួមគោរពច្បាប់ចរាចរណ៍ទាំងអស់គ្នា ដោយស្របតាមពាក្យស្លោក «ថ្ងៃនេះ ថ្ងៃស្អែក សូមកុំឲ្យមានគ្រោះថ្នាក់ចរាចរណ៍» និងជូនពរឲ្យបងប្អូនប្រជាពលរដ្ឋធ្វើដំណើរទៅលេងស្រុកកំណើតប្រកបដោយភាពសុខសាន្ដ៕ បូ ធារ៉ា