តើអ្នកណាខ្លះជា​ហ្វេន​​ ភាពយន្តជប៉ុន​?​ ដឹងទេថា ​ដើម្បី​ទស្សនាខ្សែ ភាពយន្តជប៉ុន​​ល្បីៗ​ ដោយឥតគិតថ្លៃ តើគួរទស្សនានៅទីណា?

ថ្ងៃនេះសូមនាំដំណឹងដ៏ល្អមួយមក ចែករំលែកដល់អ្នកទាំងអស់គ្នា!​​ ​ជាឱកាសដ៍ល្អ ​សម្រាប់បងប្អូនទស្សនិកជនខ្មែរ ជាពិសេសអ្នកគាំទ្រភាពយន្ត​ជប៉ុន ដែលកំពុងតែទន្ទឹង រង់ចាំទស្សនាខ្សែភាពយន្តជប៉ុនល្បីៗ ជាពិសេសរឿងមួយចំនួនទៀត ជារឿងប្រវត្តិសាស្រ្ត ក៏ដូចជាភាពយន្តដែលជះឥទ្ធិពលដល់​ ភាពយន្តនៅអាស៊ីអាគ្នេយ៍ផងដែរ។ 

ពេលនេះ​ ​មហោស្រពភាពយន្តជប៉ុនអនឡាញដ៏ធំប្រចាំ ឆ្នាំ២០២២ បានមកដល់ប្រទេសកម្ពុជា​សារជាថ្មីម្តងទៀត​ហើយ។ ចាប់ពីថ្ងៃទី១៤ ដល់ថ្ងៃទី២៧ ខែកុម្ភៈ ឆ្នាំ២០២២នេះ មហោស្រពភាពយន្តជប៉ុនអនឡាញ បានបើកឱកាសដល់​​ ​​អ្នក​​ចូលទស្សនាដោយសេរី​​ និង​ ឥតគិតថ្លៃ  ដោយនៅ​ក្នុងឆ្នាំនេះ​ មាន​​ខ្សែភាពយន្តជប៉ុនល្បីៗ​ចំនួន 20រឿង ដែលសុទ្ធសឹងតែជាការសម្រិតសម្រាំង​ ដ៏យកចិត្តទុកដាក់របស់ មូលនិធិជប៉ុន ដើម្បីផ្តល់ជូនដល់ទស្សនិកជន​ បង្កើតអនុស្សាវរីយ៍ តាមរយៈការទស្សនាភាពយន្តជប៉ុនល្បី​ៗទាំងនេះ ។

 ភាពយន្តជប៉ុនចម្រុះដែលផ្តល់នូវទឹកដម គ្រប់រសជាតិបង្ហាញពី សិល្បៈ វប្បធម៌ និងដើមកំណើតរឿងរ៉ាវសំខាន់ៗ របស់ប្រទេសជប៉ុន។ ក្នុងចំណោមភាពយន្តទាំង២០ រឿងនោះរួមមាន ភាពយន្តបែប ឯកសារ កំប្លែង ល្ខោន (ដ្រាម៉ា) រឿងនិទាន គំនូរជីវចល ​និង ភាពយន្តល្បីៗប្រចាំ​​ប្រទេសជប៉ុនផ្សេងៗជាច្រើនទៀត​ដែលមិនធ្លាប់ ចាក់បញ្ចាំងនៅកន្លែងណាផ្សេងឡើយ។

កាន់តែពិសេសទៀតនោះ ​ភាពយន្តជប៉ុនល្បីៗទាំងនោះ ​ក៏មានភាពយន្តចំនួន 10 ដែលមានបកប្រែជាភាសាខ្មែរ តាមរយៈ សាប់ថាយថល (Subtitles）ទៀតផង មិនត្រឹមតែប៉ុណ្ណោះ​ ទស្សនិកជន អាចទស្សនាជាភាសាផ្សេងៗ ដូចជាភាសាអង់គ្លេស ភាសាកូរ៉េ ភាសាអេស្បាញ ភាសាថៃ ភាសាវៀតណាម​ និងភាសាផ្សេងៗជាច្រើនទៀតផងដែរ​ ដែលនេះ ជាភាពងាយស្រួលមួយកម្រិតបន្ថែមទៀត ​ដល់សាធារណជនទូទៅ រីករាយក្នុងការទស្សនាដោយគ្មានដែនកំណត់។

គួរបញ្ជាក់ផងដែរថា​ មហោស្រពភាពយន្តជប៉ុនអនឡាញដ៏ធំប្រចាំ ឆ្នាំ២០២២នេះ ត្រូវបានរៀបចំឡើង ​ដោយ​ មូលនិធិជប៉ុន ក្នុងគោលបំណង ផ្តល់ ជូន ​មហាជនទូទៅ ពិសេសហ្វេនៗ ដែលគាំទ្រខ្សែភាពយន្តជប៉ុន អាច​​ទស្សនា ​គ្រប់ពេលវេលា​​​ គ្រប់ទីកន្លែងដែលអ្នកប្រាថ្នា។​ ដូច្នេះ កុំឲ្យខកខានឱកាសដ៏កម្រនេះ ​ សូមចូលរួមទស្សនាដោយរីករាយ ជាមួយភាពយន្តដ៏  អស្ចារ្យជាច្រើនសន្ធឹកសន្ធាប់ទាំងនេះ៕

សូមអានសេចក្តីណែនាំខាងក្រោមដើម្បីទស្សនាភាពយន្តជប៉ុនដោយសេរី៖

 វិធីក្នុងការចូលទៅទស្សនាភាពយន្តជប៉ុន ដោយឥតគិតថ្លៃ

ដើម្បីចូលទស្សនា មហោស្រពភាពយន្តជប៉ុនតាមរយៈវិបសាយ លោកអ្នកត្រូវចុះឈ្មោះឬ បង្កើត account ជាមុនសិន ។​

លោកអ្នកគ្រាន់តែចុចចូលទៅគេហទំព័រនេះ​​​៖ ចុចទីនេះ

រួចជ្រើសរើសដូចខាងក្រោម៖

1.   ចុចយកពាក្យ ​Create ​account ​ រួចបំពេញឈ្មោះ ​,​​​​​ អ៊ីម៉ែល ​និង លេខសម្ងាត់​ ​​​(​លេខសំរាប់បង្កើត acc​​ នេះ).

 Note​: កុំភ្លេចចុចសញ្ញា​ ✅​ ក្នុងប្រអប់ទាំង២ខាងក្រោម

2.   បន្ទាប់ពីចុះឈ្មោះរួច ​អ្នកនិងទទួលបានអ៉ីម៉ែល​ពី Jff​ ​នៅក្នុងប្រអប់សាររបស់អ្នក​ ហើយ ​អ្នកនិងឃើញ ​ពាក្យ ​Go to jff ​JAPENESE FILM FESTIVAL ONLINE 2022 ​ រួចអ្នកនិង log in បានហើយ

សំរាប់ព័ត៌មានលម្អិតបន្ថែម លោកអ្នកអាចទស្សនា ពីវិធីណែនាំដែលមានក្នុងវីដេអូនេះ​​ ៖ វីដេអូ Link

សូមរីករាយទស្សនាភាពយន្តជប៉ុនដោយសេរី !