របៀបធ្វើ : បាញ់ឆែវ 

    គ្រឿងផ្សំ : 

  ម្សៅអង្ករខ្សាយ រមៀត ដូងទុំ ពងទា សាច់ជ្រូក ខ្ទឹមបារាំង ត្រីរ៉ស់ ទឹកត្រី ស្ករ ទឹកដូងខ្ចី ទឹកខ្មេះ ជីគ្រប់មុខ ខ្លាញ់ ស្លឹកចេក ។

    របៀបធ្វើ : 

  អង្ករកិនជាមួយដូងទុំដែលកោសរួច ព្រមទាំងរមៀតអោយម៉ដ្ឋ រួចវាយពងទាសាប ប្រាំ ឬ ប្រាំមួយ (តាមម្សៅតិច ឬ ច្រើន ) ជាមួយម្សៅទុកសិន ត្រីរ៉ស់ត្រូវអាំងអោយឆ្អិន បេះយកតែសាច់ច្របាច់អោយល្អិត សាច់ជ្រូកចិញ្ច្រាំអោយល្អិត យកសាច់ដូងលីងអោយឡើងលឿង ខ្ទឹមបារាំងហាន់អោយល្អិត ទើបយកខ្ទះដាក់ខ្លាញ់ ឆាសាច់ដូង ខ្ទឹមបារាំង នឹងសាច់ ឆាអោយស្ងួត ទើបដួសដាក់ចានសម្រាប់ស្នូល លាងជី ដាឡាត់ ទុកជ្រលក់ជាមួយទឹកជ្រលក់ ។ យកខ្ទះ ដាក់លាបបាតខ្ទះ ដួសម្សៅប្រហែល ១វែកសម្លកន្លះ ចាក់ខ្ទះ រាងមូល យកគម្របឆ្នាំង គ្របមួយសន្ទុះ បើកគំរប ដាក់ស្នូល រួចចូកត្រឡប់គ្របស្នូល ទុកអោយឆ្អិន ចូកដាក់ចាន ឬ កញ្ច្រែង យកស្លឹកចេកទ្រាប់កអោយស្អិតជាប់គ្នា ធ្វើដូចនេះ ម្ដងមួយៗ រហូតដល់អស់ម្សៅ ជាការស្រេច៕

រូបតំណាង :

   អត្ថបទ : Sem Melody