សូមរំលឹកបន្តិចសម្រាប់គូរប្រកួតទាំង២ក្រុម មុនវគ្គឈានដល់វគ្គនេះ អាហ្សង់ទីនឈ្នះក្រូអាស៊ី ៣-០ ចំណែកប្រទេសបារាំង ឈ្នះម៉ារ៉ុក ២-០។ ចំពោះចំណាត់ថ្នាក់បាល់ទាត់ពិភពលោក ប្រទេសអាហ្សង់ទីន ឈរនៅលេខរៀងទី៣ ប្រទេសបារាំងឈរនៅលេខ៤ ។

គួរបញ្ជាក់ថា អាហ្សង់ទីនឡើងដល់វគ្គផ្តាច់ព្រ័ត្រនៃព្រឹត្តិការណ៍បាល់ទាត់ពិភពលោកនេះ បាន ៦ដងទាំងលើកនេះ ចាប់តាំងពីឆ្នាំ ១៩៣០, ១៩៧៨, ១៩៨៦, ១៩៩០, ២០១៤ និងឆ្នាំ២០២២នេះ ហើយឈ្នះពានរង្វាន់បានតែពីរដងប៉ុណ្ណោះគឺឆ្នាំ ១៩៧៨ និងឆ្នាំ១៩៨៦ ។ ក្រឡេកទៅមើលប្រទេសបារាំងវិញ នេះជាលើកទី៤ដែលឡើងដល់វគ្គផ្តាច់ព្រ័ត្រ ចាប់តាំងពីឆ្នាំ ១៩៩៨, ២០០៦, ២០១៨ និងឆ្នាំ២០២២ ហើយឈ្នះពានបានពីរដងគឺឆ្នាំ១៩៩៨ និងឆ្នាំ២០១៨ ។

ការជួបគ្នាសម្រាប់យប់នេះ ក៏ជាលើកទី៦ដែលប្រទេសទាំងពីរជួបគ្នា ៥លើកកន្លងមក អាហ្សង់ទីន ឈ្នះ៤ដង ខណៈបារាំងឈ្នះតែម្តងទេ ប្រកួតចុងក្រោយងបាល់ទាត់ពិភពលោក ២០១៨ បារាំងឈ្នះអាហ្សង់ទីន៤ទល់៣ ឡើងមកដណ្តើមជើងឯកក្នុងការប្រកួតយប់នេះ អាហ្សង់ទីន មិនមានកីឡាកររបួសនោះទេ ខណៈបារាំងកីឡាករដែលមានបញ្ហាសុខភាពត្រឡប់មកហាត់ឡើងវិញ ។

គ្រាប់បាល់ស៊ុតបញ្ចូលទី កីឡាករ Lionel Messi និងកីឡាករ Kylian Mbappé រកបាន៥គ្រាប់ដូជគ្នាជូនជម្រើសជាតិរៀងៗខ្លួន ៕

សម្រួលអត្ថបទ៖ ឡុង រតនា