លោក Leonardo Vitorino អតីតគ្រូបង្វឹកក្រុមជម្រើសជាតិកម្ពុជា ត្រូវបានក្លឹបភ្នំពេញក្រោន ប្រកាសតែងតែជាគ្រូបង្វឹករបស់ខ្លួនជាផ្លូវការហើយ។

Leonardo ជាគ្រូបង្វឹកជោគជ័យម្នាក់ មុនមកដឹកនាំក្រុមជម្រើសជាតិកម្ពុជា។ លោកដឹកនាំក្រុមLanexang United នៅប្រទេសឡាវ បានជោគជ័យខ្លាំងមែនទែន ដោយលើកពានរង្វាន់ក្នុងប្រទេសនេះដោយមិនចាញ់សោះ។ យ៉ាងណាមិញ ពេលមកដឹកនាំក្រុមជម្រើសជាតិកម្ពុជាវិញ លទ្ធផលហាក់ដូចជាមិនល្អទាល់តែសោះ ទើបបណ្ដាលឱ្យសហព័ន្ធបាល់ទាត់កម្ពុជាសម្រេចចែកផ្លូវជាមួយលោក។

ក្រោយពីចេញពីកម្ពុជាទៅ Leo ក៏បានទៅធ្វើការនៅស្រុកកំណើតប្រទេសប្រេស៊ីលវិញ ដោយធ្វើជាប្រធានបច្ចេកទេសនៅក្លឹប Ceara Sporting Club ។ នៅទីនោះបាន១រដូវកាល ពេលនេះ គ្រូបង្វឹកដែលមានបទពិសោធខាងលើបានត្រលប់មកដឹកនាំក្រុមនៅកម្ពុជាវិញហើយ គឺ ភ្នំពេញក្រោន៕