លោកសន្ធិ​លិម ថងគុល សកម្មជនជ្រុលនិយមថៃ នៅថ្ងៃទី១០ ខែមិថុនា ឆ្នាំ២០២៥ បាន​ធ្វើការប្រមូលផ្តុំប្រជាជនថៃដើម្បីទាមទារ​ឲ្យ​រដ្ឋាភិបាល​ថៃ​ កំណត់ការពារទឹកដីថៃ​អោយច្បាស់លាស់​ ដោយចោទមកលើកម្ពុជាថា កន្លង​មក​ប្រទេស​កម្ពុជា​ ទន្រ្ទានចូលដីថៃ​ ចំនួន៤៧០ដង។លោក សន្ធិ​លិម ថងគុល បានទាមទារ ៦ចំណុចមានដូចជា ៖ ១-មិនទទួលស្គាល់តុលាការអន្តរជាតិ។, ២-លុបចោលMOUឆ្នាំ២០០០។, ៣-កែប្រែពាក្យតំបន់ស ទៅជាតំបន់ដែនដីថៃ។, ៤-ប្រកាសប្រាប់អន្តរជាតិថាប្រាសាទទាំងបី និងតំបន់មុំបីជារបស់ថៃ។, ៥-ចាត់វិធានការផ្ដាច់ភ្លើង អ៊ីនធើណេត ទំនិញ ប្រេងសាំងចូលកម្ពុជា។, ៦-ប្រសិនបើមិនបានផលទៀត ត្រូវប្រើកម្លាំងទ័ព។ ក្នុងករណីបើរដ្ឋាភិបាលថៃ មិនធ្វើតាមការទាមទារ៦ចំណុចនេះទេ ក្រុមលោកនឹងធ្វើបាតុកម្មទម្លាក់។

ដូចគ្នាដែរ កាលពីថ្ងៃទី១០ ខែមិថុនា កន្លងទៅនេះ ប្រមុខរាជរដ្ឋាភិបាលកម្ពុជា ក៏បានចេញសេចក្តីសម្រេច ស្តីពីការបង្កើតគណៈកម្មការរៀបចំឯកសារ ដើម្បីប្តឹងទៅតុលាការយុត្តិធម៌អន្តរជាតិ ចំពោះករណីតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាក្របីផងដែរ៕