អាជ្ញាធរក្នុងតំបន់បានបញ្ជាក់ថាមនុស្សចំនួន ៨ នាក់បានស្លាប់ និង ២៨ នាក់ផ្សេងទៀតបានរងរបួសកាលពីថ្ងៃអង្គារ ម៉ោងនៅក្នុងស្រុក ក្នុងអំឡុងពេលនៃការវាយប្រហារភេរវកម្មនៅភាគនិរតី នៃប្រទេសកូឡុំប៊ី។អភិបាលក្រុង Jamundi លោក Paola Castillo បានថ្កោលទោសចំពោះការវាយប្រហារនេះ ហើយបាននិយាយថា ក្រុមមន្រ្តីបានរកឃើញស៊ីឡាំងនៅលើស្ពាន Guachinte ដែលបានបំផ្ទុះ។

ប្រធានកងកម្លាំងប៉ូលីសកូឡុំប៊ី លោក Carlos Fernando Triana បានបញ្ជាក់នៅលើវេទិកាសង្គម X ថា មន្ត្រីប៉ូលីសបីនាក់បានស្លាប់ដោយសារការវាយប្រហារនៅក្នុងទីក្រុង Cali រដ្ឋធានីនៃនាយកដ្ឋាន Valle del Cauca ។ ជន​ស៊ីវិល​ពីរ​នាក់​ក៏​បាន​ស្លាប់ និង​១០​នាក់​ផ្សេង​ទៀត​រង​របួស។ជាមួយគ្នានេះដែរ កងពលធំទីបី នៃកងទ័ពជាតិកូឡុំប៊ី បានថ្កោលទោសការវាយប្រហារនៅក្នុងទីប្រជុំជននានានៅក្នុងនាយកដ្ឋានភាគនិរតីនៃប្រទេសកូឡុំប៊ី។ ហើយក៏បានប្តេជ្ញាចិត្តចំពោះការការពារ និងសន្តិសុខរបស់ប្រជាពលរដ្ឋ។ ស្របពេលដែរ កងទ័ព​បាន​ប្រកាស​ថា កម្លាំង​សន្តិសុខ​ត្រូវ​បាន​ដាក់​ពង្រាយ ​ដើម្បី​ការពារ​នៅ​តំបន់​រង​គ្រោះផងដែរ៕