ក្នុងឆ្នាំ២០២០ នេះតារាចម្រៀងរ៉េបវ័យក្មេងដ៏ស្រស់សង្ហា វណ្ណដា(Vannda) ហាក់ឡើងកូដខ្លាំងជាពិសេសនៅពេលលោកបានចេញអាល់ប៊ុម $KULL មាន ១៨ បទក្នុងមួយអាល់ប៊ុមនេះ។

ដោយឡែកថ្ងៃនេះយើងនឹងជជែកគ្នាពីភាពពេញនិយមនៃបទចម្រៀងនីមួយៗដែល វណ្ណដា បានចេញក្នុងឆ្នាំ២០២០ នេះហើយទទួលបានការគាំទ្រខ្លាំងបំផុត និងមានចំនួនអ្នកចូលមើលលើទំព័រ Youtube ច្រើនជាងគេក្នុងចំណោម Top 5៖

៥. MOVE ON ចេញកាលថ្ងៃទី២៦ មិថុនា ២០២០ ជាបទបង្ហាញពីមនោសញ្ចេតនា ស្នេហាឈឺចាប់ ដែលមនុស្សប្រុសម្នាក់ស្រឡាញ់គេដកចិត្តមិនចង់រួច

បទនេះមានអ្នកចូលទស្សនាជិត ១០.៥០ លាន Views។

៤.​ HIT THE ROADផ្សាយកាលថ្ងៃទី១៦ មិថុនា ២០២០ ចំនួន Views កើងឡើងជិតដល់ ១១.៨០

ជាបទដែលវណ្ណដាច្រៀងរ៉េបរៀបរាប់ពីរឿងរ៉ាវដ៏ឈឺចាប់ សេចក្ដីលំបាកដែលបានឆ្លងកាត់ និងត្រូវគេមើលងាយ។

៣. ស្រណោះ (SORROW)ចេញកាលថ្ងៃទី៧ មេសា ២០២០ មានអ្នកចូលទស្សនាជិត ១៤.៨០ លាន Views ដែលផ្សាយនាអំឡុងពេលផ្ទុះកូវីដ-១៩ខ្លាំងរហូតបិទប្រទេស

និងជាបទមានចង្វាក់ភ្លេងពីរោះ ស្ដាប់ហើយធ្វើឲ្យមានអារម្មណ៍ធូរស្បើយ និងចង់រាំតាម។

២. BORN THIS WAYចេញកាលពីថ្ងៃទី២២ មករា ២០២០ មានអ្នកចូលមើលជាង ២០.៥២ លាន Views ជាបទដែលវណ្ណដាចម្រៀងរ៉េបពីការតាំងចិត្តទម្រាំក្លាយជាអ្នករ៉េប និងផ្ញើសារដល់អ្នកធ្លាប់មើលងាយជម្រើសរបស់ខ្លួន

ព្រមទាំងផ្ញើឲ្យអ្នកស្ដាប់ត្រូវតាំងចិត្តធ្វើអ្វីមួយឲ្យប្រាកដ និងជឿជាក់ទោះបីជាមានរឿងអ្វីក៏ដោយកុំបោះបង់។

១. ម្តាយ (MAMA) ft. ក្មេងខ្មែរចេញនៅថ្ងៃទី២៣ ឧសភា ២០២០ ជាបទចម្រៀងដ៏មានអត្ថន័យមួយចំពោះលោកអ្នកមានគុណទាំងពីរ

ហើយទល់មកទល់បច្ចុប្បន្នMVមួយនេះមានអ្នកចូលទស្សនាប្រមាណជិត ៣៥.៦០ លាន Views ដែលជាចំនួនច្រើនមែនទែនបើគិតចំពោះវីដេអូចម្រៀងរបស់តារាស្រុកខ្មែរ៕ អត្ថបទ៖ រីតា