មានគ្រួសារចាបមួយដែលមានកូនមួយ មេចាបស្រលាញ់កូននោះណាស់ព្រោះថាកូនមានតែមួយ។ តាំងពីតូចរហូតដល់ធំមេចាបមិនដែលឲ្យកូនចេញពីសំបុកឡើយព្រោះខ្លាចកូនមានគ្រោះថ្នាក់ សុខចិត្តដើររកចំណីមកឲ្យកូនជារៀងរាល់ថ្ងៃ។

(រូបតំណាង)

ស្រាប់តែថ្ងៃមួយមេចាបត្រូវបានព្រានព្រៃបាញ់ស្លាប់បាត់ទៅ ចំណែកឯកូនចាបវិញបានដេករង់ចាំមេយកចំណីមកឲ្យតែមិនឃើញសោះ ដោយរង់ចាំមេយូរពេកកូនចាបបានហើរចេញពីសំបុកប៉ុន្តែហើរមិនបានប៉ុន្មានក៏ធ្លាក់ស្លាប់បាត់ទៅ។

(រូបតំណាង)

រឿងគឺចង់និយាយអំពីការស្រលាញ់កូនខ្លាំង ស្រលាញ់ដល់ថ្នាក់មិនឲ្យកូនធ្វើអ្វីសោះ ការស្រលាញ់បែបនេះគឺដូចជាស្អប់ទៅវិញទេ រឿងអ្វីដែលមិនចាកពីផ្លូវល្អឲ្យកូនធ្វើចុះ៕

អត្ថបទដោយ៖ វុធ ប៊ុនណា