តើអ្នកមានមិត្តភក្តិច្រើនដែរឬទេ? ហើយមិត្តភក្តិទាំងអស់នោះជាមិត្តធម្មតា មិត្តស្និទ្ធស្នាល រឺមិត្តដែលទើបនឹងស្គាល់? មនុស្សម្នាក់ៗគ្មានអ្នកណាអាចរស់នៅតែម្នាក់ឯងបាននោះទេ។ ប្រសិនបើអ្នករស់នៅដោយគ្មាននរណាម្នាក់នៅក្បែរអ្នក គ្មានមិត្តភក្កិ គ្មានសាច់ញាតិបងប្អូន នោះជីវិតរបស់អ្នកក៏គ្មានសេចក្តីសុខផងដែរ។

រូបតំណាង

ជីវិតត្រូវផ្សារភ្ជាប់នឹងការរាប់អាន ការប្រាស្រ័យទាក់ទងគ្នា មានទំនាក់ទំនងជាមួយអ្នកដទៃ មានការស្រឡាញ់រាប់អាន ការចេះជួយគ្នាទៅវិញទៅមក ផ្ដល់តម្លៃឲ្យគ្នានិងគោរពគ្នាផងដែរ។ យើងម្នាក់ៗត្រូវមានទំនាក់ទំនងល្អជាមួយអ្នកដទៃ ត្រូវរាប់អានមិត្តភក្តិណាដែលល្អៗឱ្យបានច្រើន ព្រោះថាមិត្តភក្កិគឺជាអ្នកដែលធ្វើឱ្យយើងមានភាពសប្បាយរីករាយ អស់ទុក្ខកង្វល់នៅពេលដែលបានជួបជុំគ្នា។

រូបតំណាង

យើងអាចពិភាក្សាគ្នាទៅវិញទៅមកនូវបញ្ហាផ្សេងៗ ហើយមិត្តភក្កិក៏ជាទីប្រឹក្សាដ៏ធំមួយសម្រាប់យើងផងដែរ។ ជួនកាលអ្នកខ្លះយកបញ្ហាមួយចំនួនទៅពិភាក្សាជាមួយមិត្តភក្កិជាងគ្រួសារខ្លួនក៏មាន ព្រោះថាមិត្តភក្កិអាចនឹងផ្ដល់ចម្លើយ ឬផ្ដល់ដំណោះស្រាយមួយយ៉ាងល្អសម្រាប់គេ។ ដូច្នេះហើយ ការរាប់អានមិត្តភក្តិដែលល្អៗគឺមានសារៈសំខាន់ណាស់សម្រាប់យើង ពេលជួបបញ្ហា ពេលមានទុក្ខកង្វល់មានតែមិត្តភក្កិនេះហើយដែលធ្វើឱ្យយើងសប្បាយរីករាយ៕

អត្ថបទដើមដោយ ៖ ឈុនឡេង