មិនមានអ្នកណាម្នាក់រស់នៅដោយគ្មានស្នេហា ឬគ្មានការស្រលាញ់នោះទេ ប៉ុន្តែការស្រលាញ់ចាំបាច់ណាស់ឱ្យអ្នកស្គាល់ពីចំណុចមួយចំនួនដែលអ្នកគួរតែមាន មុនចាប់ផ្ដើមស្នេហា៖

១.ស្គាល់អ្វីជាស្នេហា

ស្នេហាមិនមែនឱ្យមនុស្សគ្រប់គ្នាមានក្ដីសុខគ្រប់ពេលវេលានោះទេ ពេលខ្លះស្នេហាធ្វើឲ្យមនុស្សឈឺចាប់ជាងអ្វីៗទាំងអស់ អ្នកត្រូវដឹងថាស្នេហាដែលអ្នកកំពុងចាប់ផ្ដើមនេះវាជាស្នេហាពិតប្រាកដឬជាការកំដរអារម្មណ៍?

រូបតំណាង

២.ស្វែងយល់ពីលក្ខណៈដៃគូ

មនុស្សដែលចាប់ផ្ដើមស្នេហាពិតប្រាកដត្រូវការស្វែងយល់ពីដៃគូឲ្យបានច្រើនទាំងសកម្មភាព អត្តចរិត កាយវិការ ការនិយាយស្តី ជាដើម។

៣.មានទំនុកចិត្តខ្ពស់

បើអ្នកគ្រាន់តែស្រលាញ់ធម្មតាមិនចាំបាច់គិតគូរវែងឆ្ងាយនោះទេ តែបើអ្នកស្រលាញ់ចង់រស់នៅជាមួយគ្នារហូតអ្នកត្រូវដឹងថា ខ្លួនឯងមានសមត្ថភាពអាចរស់នៅជាមួយគ្នាបានឬអត់? មានការងារឬនៅ? មានទ្រព្យសម្បត្តិសមល្មមហើយឬនៅ?

រូបតំណាង

៤.អាយុឬវ័យរបស់អ្នក

ស្នេហាមិនប្រកាន់វ័យឬអាយុទេ ប៉ុន្តែវ័យដែលអ្នកគួរចាប់ផ្តើមមានស្នេហាគឺចាប់ពី ២៥ ទៅ ៣០ ទើបល្អសម្រាប់អ្នក ព្រោះវ័យនេះជាវ័យដែលអ្នកមានបេះដូងជាមនុស្សចាស់ហើយ។

៥.ច្បាស់អារម្មណ៍ខ្លួនឯង

អ្នកត្រូវច្បាស់ក្នុងចិត្តថា យកស្នេហាឱ្យបានគង់វង្សស្រលាញ់គ្នាជាដរាប ត្រូវច្បាស់លាស់ទាំងបេះដូងនិងអារម្មណ៍៕

អត្ថបទដើមដោយ ៖ ឈុនឡេង