អាជ្ញាធរមីយ៉ាន់ម៉ា បានបើកការស៊ើបអង្កេត និងតាមដានរហូតឈានដល់ការរឹបអូសបានឈើខុសច្បាប់ជាង ៤១តោន នៅទូទាំងប្រទេសក្នុងរយៈពេលមួយសប្តាហ៍ នេះបើយោងតាមការចុះផ្សាយរបស់សារព័ត៌មានអន្តរជាតិ នាថ្ងៃទី១២ ខែមិនា ឆ្នាំ២០២៥នេះ។

ជាក់ស្តែង ចាប់តាំងពីចន្លោះថ្ងៃទី៣ ដល់ថ្ងៃទី៩ ខែមិនា មកអាជ្ញាធររឹបអូសបានឈើប្រណិតជាង ១០តោន ឈើប្រភេទដើមធំៗជាង ១០តោន និងឈើប្រភេទផ្សេងទៀតជាង ២១តោន។ ក្នុងប្រតិបត្តិការបង្ក្រាបបទល្មើសជួញដូរឈើខុសច្បាស់នេះដែរ អាជ្ញាធរមីយ៉ាន់ម៉ា ក៏ឃាត់ខ្លួនបានជនល្មើសចំនួន ១០នាក់ រថយន្តចំនួន ៣គ្រឿង រួមនឹងម៉ាស៊ីនអារឈើ។អំឡុងពេលដែរ នាយកដ្ឋានព្រៃឈើរបស់ប្រទេសមីយ៉ាន់ម៉ា បាននឹងកំពុងបង្ក្រាបការកាប់ឈើខុសច្បាប់ និងការជួញដូរអនុផលព្រៃឈើខុសច្បាប់ តាមរយៈវិធានការផ្សេងៗ រួមទាំងប្រព័ន្ធត្រួតពិនិត្យ និងការរាយការណ៍តាមសហគមន៍នានាផងដែរ៕