
TNAOT News
· ម្សិលមិញ
អតីតប្រធានាធិបតីហ្វីលីពីននឹងបង្ហាញខ្លួនជាលើកដំបូងនៅក្នុងសវនាការ ICC នៅទីក្រុងឡាអេ
#NEW NEWS# #ព័ត៌មាន# #លោក Rodrigo Duterte# #ICC# #អតីតប្រធានាធិបតីហ្វីលីពីន# #ព័ត៍មានអន្តរជាតិ#
2396
តុលាការនឹងធ្វើការចោទប្រកាន់អតីតប្រធានាធិបតីហ្វីលីពីនពីបទឧក្រិដ្ឋកម្មប្រឆាំងមនុស្សជាតិ ជុំវិញសង្គ្រាមដ៏សាហាវលើការបង្រ្កាបគ្រឿងញៀនរបស់លោក។
លោក Rodrigo Duterte ត្រូវបានគេរំពឹងថានឹងបង្ហាញខ្លួនជាលើកដំបូងនៅតុលាការឧក្រិដ្ឋកម្មអន្តរជាតិ (ICC) នៅថ្ងៃសុក្រនេះ ខណៈដែលអតីតប្រធានាធិបតីហ្វីលីពីនប្រឈមមុខនឹងការចោទប្រកាន់ពីបទឧក្រិដ្ឋកម្មប្រឆាំងមនុស្សជាតិជុំវិញ «សង្គ្រាមគ្រឿងញៀន» ដ៏សាហាវរបស់លោក។តុលាការបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃព្រហស្បតិ៍ថា ចាត់ទុកថាពេលវេលានេះគឺសមរម្យសម្រាប់ លោក Duterte ក្នុងការបង្ហាញខ្លួនថ្ងៃសុក្រ នៅម៉ោង ២រសៀល (ម៉ោងក្នុងស្រុកទីក្រុងឡាអេ)។
នៅក្នុងសវនាការ នៃអតីតប្រធានាធិបតីហ្វីលីពីន វ័យ៧៩ឆ្នាំនេះ នឹងត្រូវបានជូនដំណឹងអំពីឧក្រិដ្ឋកម្មដែលលោកត្រូវបានគេចោទប្រកាន់ថាបានប្រព្រឹត្ត ក៏ដូចជាសិទ្ធិរបស់លោកក្នុងនាមជាចុងចោទ។
លោក Duterte ត្រូវបានចោទប្រកាន់ពីបទឧក្រិដ្ឋកម្មប្រឆាំងមនុស្សជាតិពីបទឃាតកម្មលើយុទ្ធនាការដ៏យូរឆ្នាំរបស់លោកប្រឆាំងនឹងអ្នកប្រើប្រាស់ និងឈ្មួញគ្រឿងញៀន ដែលក្រុមសិទ្ធិមនុស្សបាននិយាយថាបានសម្លាប់មនុស្សរាប់ម៉ឺននាក់។
យ៉ាងណាមិញ ខណៈនៅពេលគាត់ទៅដល់ទីក្រុងឡាអេ អតីតមេដឹកនាំរូបនេះ បានស្ងប់ស្ងាត់ ហើយលោកបានបង្ហាញខ្លួនដើម្បីទទួលយកការទទួលខុសត្រូវចំពោះសកម្មភាពរបស់លោកដោយបាននិយាយនៅក្នុងវីដេអូហ្វេសប៊ុកថា «ខ្ញុំបានប្រាប់ប៉ូលីស យោធាថាវាជាការងាររបស់ខ្ញុំ ហើយខ្ញុំទទួលខុសត្រូវ»៕
ប្រែសម្រួលដោយ៖ ផល្លីកា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
អតីតប្រធានាធិបតីហ្វីលីពីន លោក Duterte និយាយថា លោកទទួលខុសត្រូវទាំងស្រុងចំពោះសង្គ្រាមប្រឆាំងគ្រឿងញៀន

បណ្តុំព័ត៌មានថ្មីៗ ឬ TNAOT Update ប្រចាំថ្ងៃទី១៣ ខែមីនា ឆ្នាំ២០២៥

ប្រធានាធិបតីរុស្ស៊ី យល់ស្របជាមួយនឹងគោលការណ៍សំណើសុំបទឈប់បាញ់ពីអាម៉េរិក

ប្រធានគណបក្សកាន់អំណាចរបស់កូរ៉េខាងត្បូងគាំទ្រឲ្យព្យួរអំណាចរបស់ប្រធានាធិបតីកូរ៉េខាងត្បូង បង្កើនឱកាសនៃការចោទប្រកាន់

យោបល់ទាំងអស់ (1)
អូនតា លេខកូដ63230368
· 19ម៉ោងមុន
👍👍
- 1
ទៅកាន់