អ្នកផលិតមាតិកាដ៏ល្បី ពេជ្រ ពិសី ដែលគ្រប់គ្នាស្គាល់យ៉ាងច្បាស់តាមរយៈការផលិតនូវវីដេអូកម្សាន្ត និងអប់រំប្រភេទចែករំលែកផ្សេងៗ ក៏ដូចជាមានចិត្តសប្បុរសធម៌ជួយដល់អ្នកខ្វះខាតទទួលសន្ទុះនៃការគាំទ្រខ្លាំងមានអ្នកចូលទស្សនាខ្ទង់លានដង ដោយបច្ចុប្បន្នជាអ្នកជំនួញវ័យក្មេងរូបនេះជោគជ័យខ្លាំងក្នុងការផលិតនូវផលិតផលគ្រឿងសំអាងកូនខ្មែរ មានការគាំទ្រ​ និងទទួលស្គាល់ពីគុណភាពផ្សព្វផ្សាយតៗគ្នា។

ដោយនាពេលថ្មីៗនេះ អ្នកផលិតមាតិកា ពេជ្រ ពិសី បានធ្វើឲ្យមហាជនងាកមកចាប់អារម្មណ៍ខ្លាំង ពីភាពជោគជ័យពីមួយជំហានទៅមួយជំហាន​ ដោយរូបភាពក៏ដូចជាវីដេអូរបស់នាងបានទិញរថយន្តទំនើបក្នុងក្ដីស្រម៉ៃ ទទួលបានការពេញចិត្ត និងស្ញប់ស្ញែងពីសំណាក់មហាជន ពិសេសមិត្តយុវវ័យតែម្ដង។

យ៉ាងណាមិញ អ្នកជំនួញរូបនេះ គ្រប់គ្នាបានមើលឃើញពីភាពតស៊ូនិងភាពក្លាហានមានសមត្ថភាព ភាពច្នៃប្រឌិតខ្ពស់ ក្នុងការវាយលុកទីផ្សារ រហូតបានជោគជ័យក្នុងជីវិតមានសមិទ្ធផលថ្មីជាបន្តបន្ទាប់ ដោយត្រង់ចំនុចទាំងនេះហើយទើបបណ្ដាអ្នកគាំទ្រស្រលាញ់ពេញចិត្ត និងសិក្សាពីបទពិសោធន៍រៀនតាមជាគម្រូផងដែរ៕ អត្ថបទដោយ៖ Sun Darasy