ថ្ងៃទី២៣ ខែមិថុនា ឆ្នាំ២០២៥ វេលាម៉ោង ២៣:៤៥នាទី មានករណីអគ្គិភ័យមួយបានកើតឡើង បណ្តាលឲ្យឆេះផ្ទះបាយប្រជាពលរដ្ឋមួយកន្លែង ដែលស្ថិតនៅក្នុងភូមិត្រស់សាលា សង្កាត់ស្វាយប្រវ៉ាន់ ក្រុងច្បារមន ខេត្តកំពង់ស្ពឺ។

ម្ចាស់ផ្ទះមានឈ្មោះ ជា ឃឹន ភេទប្រុស អាយុ ៥២ឆ្នាំ រស់នៅភូមិ-ឃុំកើតហេតុខាងលើ ក្នុងករណីអគ្គិភ័យនេះបណ្តាលអោយមានរងការខូចខាតដូចក្រោម៖

- ផ្ទះបាយ១ខ្នង ទំហំ៦×៦ ជញ្ជាំងក្ដាប្រកស័ង្កសី 

- ស្រូវចំនួន ០៣តោន 

- ម៉ូតូចំនួន ០២គ្រឿង ម៉ាកហុងដា 

- ម៉ូទ័រកិនស្រូវខ្នាតតូច ០១គ្រឿង និងសម្ភារៈមួយចំនួនទៀត ដោយមូលហេតុបណ្តាលមកពីឆ្លងចរន្តអគ្គិសនី ទើបបង្កឱ្យមានអគ្គិភ័យឆាបឆេះកើតឡើង។

ក្រោយពីទទួលបានព័ត៌មានពីករណីអគ្គិភ័យនេះភ្លាម កម្លាំងអធិការដ្ឋាននគរបាលក្រុងច្បារមន បានចាត់កម្លាំងជំនាញចុះពន្លត់អគ្គិភ័យនេះ ដោយប្រើប្រាស់កម្លាំងចំនួន ១០នាក់ កម្លាំងអធិការដ្ឋាននគរបាលក្រុងច្បារមនចំនួន ០៦នាក់ រថយន្តពន្លត់អគ្គីភ័យ១គ្រឿង កម្លាំងការិយាល័យបង្ការ និងពន្លត់អគ្គីភ័យចំនួន០៤នាក់ រថយន្តពន្លត់អគ្គីភ័យ ០១គ្រឿង ទើបយើងអាចគ្រប់គ្រងស្ថានការណ៍អគ្គិភ័យនេះឲ្យរលត់ទៅវិញ នៅវេលាម៉ោង00និង៤០នាទី ផងដែរ៕