សម្តេចតេជោ ហ៊ុន សែន បានលើកឡើងថា ឪពុកម្តាយគ្មានសេចក្តីសុខឬការសប្បាយណាជាងឃើញកូននិងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ។

សម្តេចតេជោ ហ៊ុន សែន បានបង្ហោះសារភ្ជាប់ជាមួយខ្លឹមសារថា៖«បងប្អូនគេទាំង៣នាក់ជួបជុំគ្នានៅតាមខេត្តជាប់ព្រំដែនថៃ ស្លៀកទាហ៊ានក៏ទៅ ស្លៀកស៊ីវិលក៏ទៅដើម្បីរួមចំណែកការពារទឹកដីប្រឆាំងការឈ្លានពាន»។

សម្តេចតេជោក៏បានបង្ហាញពីរូបភាពបច្ចុប្បន្ន និងអតីតកាលនៃកូនប្រុសទាំង៣របស់សម្តេច ដោយចំអន់ កូនប្រុសពៅ ថា៖«បងប្អូនប្រុស៣នាក់នេះម្នាក់ពាក់អាវខ្មៅចាប់យកអាជីពការងារខុសហើយដោយសារអត់មានសក់ក្បាលហើយអត់មានមួកពាក់ទៀត។ឯអ្នកមានសក់បែរជាមានមួកពាក់ទៅវិញ។កាលពីតូចសក់ច្រើនជាងគេពេលនេះអត់សក់ទៅវិញតែក៏ស្រួលម្យ៉ាងដែរមិនពិបាកចំណាយពេលសិតសក់មុនពេលចេញដំណើរ»៕