បង្ហោះផ្សាយ

ខ្មែរ

TNAOT News

· 07-16

មន្ទីរពេទ្យគន្ធបុប្ផា ប្រើរយៈពេល ២៥ថ្ងៃ ជួយសង្រ្គោះជីវិតកុមារីអាយុ ២ឆ្នាំម្នាក់ ត្រូវសត្វឪម៉ាល់ទិចដោយជោគជ័យ

#NEW NEWS# #មន្ទីរពេទ្យគន្ធបុប្ផា# #Dr. Beat Richner# #សង្គម# #ព័ត៌មានសង្គម#

2668

មន្ទីរពេទ្យគន្ធបុប្ផា បានជួយសង្រ្គោះជីវិតកុមារីតូចអាយុ២ឆ្នាំ មកពីខេត្តកំពត មានជំងឺខ្សោយតម្រងនោមស្រួចស្រាវយ៉ាងធ្ងន់ធ្ងរបំផុត បណ្ដាលមកពីពឹសឪម៉ាល់ទិចនាងចំនួន ២០មេ ដោយជោគជ័យ ប្រើរយៈពេល ២៥ថ្ងៃ ដែលនេះក៏ជាសារដាស់តឿនមួយទៅកាន់អាណាព្យាបាលគ្រប់រូបគួរតែបង្កើនការប្រុងប្រយ័ត្ន និងមើលថែការពារកូនចៅមិនត្រូវប្រហែសឲ្យសោះ ព្រោះវាអាចនឹងប្រឈមមុខនៅបញ្ហាគ្រោះថ្នាក់ផ្សេងៗជាយថាហេតុ។

នេះបើយោងតាមការបង្ហោះរបស់ Dr. Beat Richner បានបញ្ជាក់ពីដំណើរការនៃការព្យាបាលបែបនេះថា៖ «កុមារីតូចអាយុ២ឆ្នាំកន្លះរូបនេះមានជំងឺខ្សោយតម្រងនោមស្រួចស្រាវយ៉ាងធ្ងន់ធ្ងរបំផុត បណ្ដាលមកពីពិសឪម៉ាល់ ដែលបានទិចនាងចំនួន២០មេ តម្រងនោមទាំងពីររបស់នាង ឈប់ដំណើរការទាំងស្រុង និងគ្មានទឹកនោម បណ្តាលឲ្យសន្លប់និងដកដង្ហើមលែងបាន នាងត្រូវបានថែទាំព្យាបាលសង្រ្គោះអស់យ:ពេល២៥ថ្ងៃ ដោយជំនួយម៉ាស៊ីនសប់ដង្ហើម និងលាងឈាមតាមស្រោមពោះវៀន១៥ថ្ងៃ មកទល់ពេលនេះបានជាសះស្បើយនិងបានត្រឡប់ទៅផ្ទះវិញ ដោយស្នាមញញឹម សូមកោតសរសើរនិងអរគុណ ដល់ក្រុមគ្រូពេទ្យសង្រ្គោះបន្ទាន់នៅមន្ទីរពេទ្យគន្ធបុប្ផា ដែលបានជួយសង្រ្គោជីវិតមួយនេះ»។

គួរបញ្ជាក់ផងដែរថា រាល់ការព្យាបាលទាំងអស់នៅមន្ទីរពេទ្យគន្ធបុប្ផា គឺឥតគិតថ្លៃ សម្រាប់គ្រប់ៗគ្នា ដោយគ្មានការរើសអើងផងដែរ៕ អត្ថបទដោយ៖ Sun Darasy

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (2)

ទូច បូយឿន

· 07-17

🤗🤗

សហ្វីយ៉ា កំពូលស្នេហ៍

· 07-16

😯😯😯😯

  • 1
ទៅកាន់