ថ្មីៗនេះ អ្នកលេងបណ្តាញសង្គមផ្ទុះការចាប់អារម្មណ៍ខ្លាំងទៅលើរឿងរ៉ាវរបស់នាយកប្រតិបត្តិក្រុមហ៊ុម Ai លោក Andy Byron ដែលរងភាពអាម៉ាស់ចំពោះមុខមហាជនពេញបណ្ដាញអ៊ីនធើណែត ដោយលួចមានទំនាក់ទំនងស្នេហាជាមួយនឹងបុគ្គលិកខ្លួន ដែលនាងជាប្រធានផ្នែកធនធានមនុស្ស (HR)ត្រូវបានបែកធ្លាយកំឡុងពេលប្រគុំតន្ត្រីរបស់ Coldplay នៅ Foxborough រដ្ឋ Massachusetts ។

នៅពេលដែល kiss cam ចាប់អារម្មណ៍លើ Byron និង Kristin Cabot ដែលកំពុងឈរអោបគ្នាយ៉ាងស្និតស្នាល អ្នកទាំងពីរបានដកខ្លួនចេញយ៉ាងលឿន ហើយគេចពីកាមេរ៉ា ដែលបង្កឱ្យមានពាក្យចចាមអារ៉ាមហើយវីដេអូនេះត្រូវបានចែកចាយពេញបណ្តាញ TikTok និង X ដោយមានអ្នកចូលមើលរាប់សិបលានដង។

គួរបញ្ជាក់ផងដែរថា ទាំង Andy និង Kristin បានរៀបការ មានគ្រួសាររៀងៗរួចទៅហើយ។ ពួកគេមានទំនាក់ទំនងស្នេហាហើយបានទៅប្រគំតន្ត្រីជាមួយគ្នាប្រាប់ប្តីប្រពន្ធថាពួកគេកំពុងធ្វើដំណើរទៅធ្វើការ។ ក្រោយរឿងរ៉ាវរបស់ពួកគេត្រូវបានបែកធ្លាយពាសពេញបណ្តាញសង្គមនោះ គេកត់សម្គាល់ឃើញថាប្រពន្ធរបស់លោក Andy បានលុបនាមត្រកូលរបស់លោកនៅលើហ្វេសប៊ុកចោលផងដែរ៕