គ្រឿងស្រវឹងត្រូវបានគេរកឃើញយូរហើយថា មានជាប់ទាក់ទងនឹងការបង្កជាជំងឺមហារីកជាច្រើនដូចជា មហារីកមាត់ បំពង់ក បំពង់សម្លេង បំពង់លើក្រពះ ថ្លើម ពោះវៀនធំ ចុងពោះវៀនធំ និងសុដន់។ ខាងក្រោមនេះគឺជារបៀបដែលគ្រឿងស្រវឹងអាចបំផ្លាញដល់រាងកាយមនុស្សយើង ដោយបញ្ជាក់កាន់តែច្បាស់ថា កាលណាអ្នកញ៉ាំកាន់តែច្រើន ការប្រឈមមុខកាន់តែខ្ពស់៖

- គ្រឿងស្រវឹងអាចបំផ្លាញ់ជាលិការាងកាយបាន

- គ្រឿងស្រវឹងអាចធ្វើឲ្យកាន់តែងាយស្រួលសម្រាប់សារធាតុបង្ករលាកដែលគ្រោះថ្នាក់ដូចជា បារី ជ្រៀតចូលរាងកាយបាន

- គ្រឿងស្រវឹងអាចធ្វើឲ្យកាន់តែពិបាកសម្រាប់រាងកាយបឺតស្រូបវីតាមីន និងជាតិរ៉ែពីក្នុងចំណីអាហារ

- គ្រឿងស្រវឹងអាចបង្កើនចំនួនអ័រម៉ូនអេស្រ្តូជែនក្នុងខ្លួន

- ការញ៉ាំគ្រឿងស្រវឹងច្រើនពេកអាចនាំឲ្យឡើងទម្ងន់ផង៕