នាយកដ្ឋានព័ត៌មានវិទ្យា ប្រាប់វិធីការពារទូរសព្ទ ពីមេរោគជំរិតទារប្រាក់មួយប្រភេទ

#មេរោគជំរិតទារប្រាក់មួយប្រភេទ# #បច្ចេកវិទ្យា# #វិធីការពារទូរសព្ទ# #វិទ្យាសាស្ត្រ#

WannaLocker ជាប្រភេទមេរោគជំរិតទារប្រាក់ ដែលស្រដៀងនឹងមេរោគ WannaCry ដែលបានវាយលុកពិភពលោកអំឡុងខែឧសភា ឆ្នាំ២០១៧។ លើសពីនេះទៀត WannaLocker បានបន្ថែមនូវមុខងារមួយចំនួនដូចជា មុខងារបញ្ជាទូរសព្ទជនរងគ្រោះពីចង្ងាយ (Remote Administration Tool - RAT) និងមុខងារលួចព័ត៌មានហិរញ្ញវត្ថុ (Banking Trojan)។ នេះបើយោងតាមការចុះផ្សាយរបស់នាយកដ្ឋានព័ត៌មានវិទ្យា នៃក្រសួងមហាផ្ទៃ។

នាយកដ្ឋានដដែល បានបន្តថា បច្ចុប្បន្នមេរោគនេះកំពុងផ្តោតគោលដៅវាយប្រហារលើបណ្តាអ្នកប្រើប្រាស់ទូរសព្ទដែលមានប្រព័ន្ធប្រតិបត្តិការ Android ក្នុងប្រទេសចិន តាមរយៈ plugin របស់ហ្គេម ដែលកំពុងពេញនិយម (King of Glory) ក្នុងប្រទេសមួយនេះ។

បន្ទាប់ពីឆ្លងមេរោគ WannaLocker ទូរសព្ទរងគ្រោះនឹងប្តូររូបភាពជារូបតុក្កតា ចំនែកឯកសារក្នុង External Storage នឹងត្រូវជាប់លេខសម្ងាត់ និងលេចឡើងផ្ទាំងផ្តល់ព័ត៌មានដើម្បីបង់ប្រាក់ដោះលេខសម្ងាត់ឯកសារទាំងនោះ។

ខាងក្រោមនេះគឺជាវិធីសាស្ត្រមួយចំនួន ដែលអាចការពារទូរសព្ទដៃរបស់អ្នកពីមេរោគ ឬការបាត់បង់ឯកសារ៖

១) ត្រូវមានការប្រុងប្រយ័ត្ន នៅពេលទាញយកកម្មវិធីផ្សេងៗ ជាពិសេសពីប្រភពមិនច្បាស់លាស់

២) ដំឡើងកម្មវិធីការពារមេរោគក្នុងទូរសព្ទ

៣) ធ្វេីការ Backup ឯកសារសំខាន់ៗ

៤) ធ្វេីបច្ចុប្បន្នភាពប្រព័ន្ធប្រតិបត្តិការទូរសព្ទជាប្រចាំ។

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។