គ្រប់មនុស្សម្នាក់ៗ តែងតែមានចំណុចពិសេសរៀងៗខ្លួន ។ ប៉ុន្តែមានមនុស្សមួយចំនួន ដែលមានលក្ខណៈពិសេសខ្លាំង ដែលកម្រនឹងមានអ្នកណាមានដូចណាស់។ ថ្ងៃនេះដែរ យើងខ្ញុំនឹង​​បង្ហាញពីលក្ខណៈពិសេសខ្លះៗ ដែលមានកើតឡើងលើរាយកាយមនុស្ស​មួយចំនួន ដែលពួកយើងកម្រនឹងជួបប្រទះ។ អញ្ចឹងសូមតាមដានទស្សនាទាំងអស់គ្នា៖

១. គ្មានធ្មេញទាល់

២០% នៃមនុស្សសរុបទូទាំងពិភពលោក គឺគ្មានធ្មេញទាល់នោះទេ។ ហើយវាក៏អាចកើតឡើងទៅតាមប្រភេទពូជសាសន៍របស់មនុស្សផងដែរ ដូចជាប្រជាជនម៉ិចស៊ិកូ ស្ទើរតែ ១០០% គ្មានធ្មេញទាល់ទេ ។

ខណៈពេលដែលប្រជាជនជនជាតិដើម Tasmanian មានធ្មេញទាល់ស្ទើរតែគ្រប់គ្នា។ ដោយនេះ វាអាចទាក់ទងជាមួយនឹងភាពខុសគ្នារបស់ហ្សែន PAX9 និង ប្រហែលជាការរួមបញ្ចូលជាមួយនឹងហ្សែនផ្សេងទៀតផងដែរ។

២. ភ្នែកខៀវ

វាត្រូវបានគេនិយាយថា មនុស្សដែលកើតមកមានភ្នែកពណ៌ខៀវមកជាមួយ គឺវាបណ្តាលមកពីការផ្លាស់ប្តូររបស់ហ្សែន HERC2 ដែលជាហេតុឲ្យវាមានការកាត់បន្ថយ នូវការផលិតជាតិមេឡានីន នៅក្នុងប្រស្រីភ្នែក។ ម្យ៉ាងទៀត ត្រឹមតែចំនួន ៨% នៃមនុស្សសរុបប៉ុណ្ណោះ មានភ្នែកពណ៌ខៀវបែបនេះ។

៣. ម្រាមជើងមេខ្លី

ត្រឹមតែចំនួន ១០% នៃមនុស្សសរុបប៉ុណ្ណោះ ដែលមានម្រាមជើងមេខ្លីបែបនេះ ។ ទម្រង់បែបនេះ គេហៅថា Morton’s toe ដោយជាទម្រង់ដែលម្រាមជើងមេខ្លី ជាងម្រាមជើងផ្សេងៗទៀត។ ហើយសូម្បីតែរូបសំណាក់ the Statue of Liberty ក៏មានម្រាមជើងបែបនេះដែរ។

៤. ក្រយៅក្បាលខាងស្តាំ

មានចំនួនត្រឹមតែ ៨.៤% ប៉ុណ្ណោះ ដែលមានក្រយៅក្បាលផ្នែកខាងស្តាំបែបនេះ។ ប្រសិនជាអ្នកជាមនុស្សម្នាក់ ក្នុងចំណោម ១០% នៃមនុស្សដែលប្រើប្រាស់ដៃឆ្វេង នោះអ្នកនឹងមិនទទួលឳកាសមានក្បាលបែបនេះរហូតដល់ ៤៥%។

៥. កណ្តាស់នៅពេលដែលជួបនឹងពន្លឺព្រះអាទិត្យ

នេះជាជម្ងឺអាឡាក់ស៊ីដ៏ចម្លែកមួយ ដែលមានឈ្មោះថា Photic sneeze reflex ។ ជម្ងឺនេះ មានត្រឹមតែ ២៥% នៃមនុស្សសរុបទាំងអស់នៅក្នុងពិភពលោក កើតមាន ដោយនៅពេលដែលអ្នកត្រូវពន្លឺថ្ងៃ នោះអ្នកនឹងកណ្តាស់មិនឈប់តែម្តង។

៦. ខ្សែក្រយៅដៃវែងត្រង់ភ្លឹង

អ្នកដែលមានខ្សែក្រយៅដៃវែងត្រង់ភ្លឹងបែបនេះ មានត្រឹមតែ ១.៥ % ប៉ុណ្ណោះនៃប្រជាជនសរុប ដោយភាគច្រើនកើតលើបុរស។

៧. សក់ពណ៌សភ្លឺ

សក់ពណ៌សភ្លឺ គឺជាប្រភេទពណ៌សក់ ដ៏កម្រមួយ ។ សក់ប្រភេទនេះ នឹងកាន់តែមានពន្លឺភ្លឺទៅៗ តាមអាយុរបស់ពួកគេ ។ ភាគច្រើន គេរកឃើញថាមានត្រឹមតែ ២ – ១៦ % នៃមនុស្សធំប៉ុណ្ណោះ ដែលមានសក់បែបនេះ។

៨. ស្នាមក្រយៅដៃ

មនុស្សដែលមានស្នាមក្រយៅដៃកោងដូចភ្នំនេះ មានត្រឹមតែ ៥% ប៉ុណ្ណោះ ខណៈពេលដែលស្នាមក្រយៅដៃផ្សេងទៀត មានដល់ ៦៥% និង ៣០%។

៩. សក់ពណ៌ក្រហម

សក់ក្រហមពីធម្មជាតិ គឺជាប្រភេទពណ៌សក់ដ៏កម្រមួយ ដោយវាមានត្រឹមតែ ១ ទៅ ២% នៃចំនួនប្រជាជនសរុបទាំងអស់ ពណ៌សក់បែបនេះ កើតឡើងដោយសារការបែ្រប្រួលនៃហ្សែន។

១០. សក់រួញ

ត្រឹមតែ ១១% នៃ​ប្រជាជនសរុបទាំងអស់នៅក្នុងពិភពលោក មានសក់រួញបែបនេះ។

១១. ផ្ចិតលានចេញក្រៅ

ចំពោះអ្នកដែលមានទម្រង់ផ្ចិតបែបនេះ គឺមានត្រឹមតែ ១១% ប៉ុណ្ណោះ។ ម្យ៉ាងទៀតយោងតាមមតិពិភាក្សាជាច្រើន បាននិយាយថា អ្នកដែលមានទម្រង់ផ្ចិតបែបនេះ គឺមិនមានការទាក់ទងជាមួយនឹងការកាត់ផ្ចិតនៅពេលចាប់កំណើតនោះទេ។ រឿងតែម្យ៉ាង ដែលកើតឡើងបែបនេះ គឺស្ថិតនៅក្នុងកំឡុងពេលដែលស្នាមមុខរបួសកាត់ កំពុងជាសះស្បើយតែប៉ុណ្ណោះ។

១២. ក្រយៅអក្សរ X នៅលើបាតដៃ

ស្នាមក្រយៅដៃអក្សរ X ដែលមាននៅលើដៃទាំងពីររបស់មនុស្សយើង គឺជាករណីដ៏កម្រខ្លាំងណាស់ ប៉ុន្តែអ្នកដែលកើតមកមានស្នាមក្រយៅដៃបែបនេះ គឺបង្ហាញថា ពួកគេមានអត្តចរិករឹងមាំ។ ជាក់ស្តែងមនុស្សត្រឹមតែ ៣% ប៉ុណ្ណោះ ដែលមានស្នាមក្រយៅដៃបែបនេះ។

១៣. ក្តោបដៃ

ចំពោះការក្តោបដៃពីរចូលគ្នាជាមួយនឹងការដាក់ម្រាមដៃមេខាងស្តាំ លើ ម្រាមដៃមេខាងឆ្វេង គឺ​មានចំនួន ៥០% និង ម្រាមដៃខាងឆ្វេង ដាក់លើម្រាមដៃខាងស្តាំ គឺមាន ៤៩% ចំណែកឯដាក់ម្រាមដៃមេទាំងពីរ ស្របទន្ទឹមគ្នា គឺមានត្រឹម ១% ប៉ុណ្ណោះ។

១៤. ការស្តោះទឹកមាត់ ពីផ្ទៃក្រោមអណ្តាត

ការស្តោះទឹកមាត់ ពីផ្ទៃក្រោមអណ្តាត គឺអាចកើតមានឡើងនៅពេលដែលយើង និយាយ ញ៉ាំអី ឬ នៅពេលដែលយើងស្ងាប ។ ចំពោះអ្នកដែលអាចធ្វើការស្តោះ និង ខ្ទាតទឹកមាត់ពីផ្ទៃក្រោមអណ្តាតបាន គឺមានចំនួនត្រឹមតែ ៣៥% ប៉ុណ្ណោះ។ ប៉ុន្តែមានមនុស្សត្រឹម ១% ដែលអាចធ្វើវាបានយ៉ាងល្អ។

១៥. បេះដូងនៅទីតាំងខាងស្តាំ

មនុស្សម្នាក់ក្នុងចំណោម ១២,០១៩ នាក់ អាចមានទីតាំងបេះដូងរបស់ខ្លួននៅផ្នែកខាងស្តាំទ្រូង ហើយចំពោះករណីនេះ ហៅថា Dextrocardia ។ ហើយមិនចាំបាច់បារម្ភនោះទេ វាមិនបានផ្តល់ផលអវិជ្ចមានអីដល់អ្នកឡើយ។