ត្រីវិស័យនេះត្រូវបានបង្កើតឡើងនៅក្នុងប្រទេសចិនកំឡុងរាជវង្សហានរវាងសតវត្សទី២ មុនគ.ស និងទី១ គ.ស ដែលគេហៅថា "អភិបាលទិសខាងត្បូង"។

ត្រីវិស័យ ត្រូវគេប្រើជាលើកដំបូងសម្រាប់បង្ហាញទីកន្លែងមានជោគវាសនា និងប្រាប់ទ្រព្យសម្បត្តិដោយជនជាតិចិន។ ត្រីវិស័យរបស់ចិនដំបូងបំផុតអាចត្រូវបានគេប្រើដើម្បីតម្រូវនិងសម្របសម្រួលអាគារដោយធើ្វទៅតាមគោលការណ៍ធរណីមាត្ររបស់ហ្វុងស៊ុយ។ ត្រីវិស័យដំបូងនេះត្រូវបានបង្កើតឡើងដោយថ្មម៉ាញ៉េទិច គឺជាប្រភេទថ្មមេដែកដែលកើតឡើងដោយធម្មជាតិ ហើយតម្រឹមខ្លួនវាជាមួយនឹងដែនម៉ាញេទិចរបស់ផែនដី។ ជនជាតិចិនសម័យបុរាណបានរកឃើញថា ប្រសិនបើគេចងព្យួរថ្មម៉ាញ៉េទិចអោយវាបង្វែរដោយខ្លួនឯង វាតែងតែចង្អុលទៅបង្គោលម៉ាញ៉េទិចជានិច្ច។ ត្រីវិស័យដើមដំបូងត្រូវបានប្រើដើម្បីជ្រើសរើសតំបន់ដែលសមស្របសម្រាប់សាងសង់ផ្ទះ ដាំដំណាំនិងស្វែងរកត្បូងកម្រ។ ក្រោយមកត្រីវិស័យត្រូវបានសម្រួលបន្តិចម្តងៗសម្រាប់ការបង្ហាញទិសក្នុងអំឡុងពេលរាជវង្សសុងនៅសតវត្សទី១១៕

ប្រែសម្រួល៖ វណ្ណរៈ