The Mirror នៃចក្រភពអង់គ្លេសចេញផ្សាយនៅថ្ងៃអង្គារទី៣០ ខែកក្កដានេះបានឲ្យដឹងថាអនុប្រធានក្លឹប Juventus លោកPavel Nedvedបានធ្វើការអះអាងហើយថាក្លឹបបានទទួលសំណើររបស់ក្លឹបមួយចំនួនហើយសម្រាប់កីឡាករខ្សែប្រយុទ្ធអាហ្សង់ទីនDybala។

ប្រភពដដែលបានសរសេរទៀតថាក្លឹបនៅអង់គ្លេសចំនួន២គឺមាន់ខ្នាយមាសSpursនិងក្លឹបបិសាចក្រហមMan Unitedគឺត្រូវបានគេជឿជាក់ថាបានដាក់ជាសំណើររួចទៅហើយទៅកាន់ក្លឹបអ៊ីតាលី។Dybalaបានបាត់បង់តំណែងសំខាន់ជាមួយនឹងជើងឯកអ៊ីតាលីក្រោយការមកដល់របស់កីឡាករCR7ហើយកំពុងមិនច្បាស់លាស់អំពីអនាគតរបស់ខ្លួនក្រោមការដឹកនាំរបស់លោកSarri។

សំណើរទាំងឡាយប្រហែលជានឹងអាចកើតមានឡើងកាន់តែច្បាស់ប្រសិនបើJuventusពិតជាអាចទិញបានLukakuពីMan United។លោកNedvedក៏បានធ្វើការលើកឡើងដែរថាក្លឹបកំពុងធ្វើការងារដើម្បីចចារទិញLukakuពីអង់គ្លេសផងដែរ៕