កាសស្តាប់ត្រចៀកឥតខ្សែជំនាន់ចុងក្រោយបង្អស់របស់ Sony ពិតជាមានភាពប្រសើរជាងមុន ដែលមិនធ្លាប់មាននៅក្នុងឆ្នាំ 2019 នោះគឺការច្នៃប្រឌិតនូវពណ៌ដ៏ស្រស់ឆើតឆាយ និងរស់រវើក ហើយមើលទៅគួរឱ្យទាក់ទាញសម្រាប់អ្នកប្រើប្រាស់ ឃើញហើយចង់បានតែម្តង។ កាសស្តាប់ដ៏ស្រស់ស្អាតនេះ ត្រូវបានគឺពិនិត្យឃើញពីចំណុចល្អៗដូចជា លក្ខណៈពិសេសជួយលុបចោលនូវសំឡេងរំខានផ្សេងៗ ដូចគ្នាទៅនឹងកាសស្តាប់ម៉ូដែល WF-1000X M3។ ក្រុមហ៊ុន Sony កំពុងប្រកាសកាសស្តាប់ឥតខ្សែឈុតថ្មីនោះគឺកាសស្តាប់ម៉ូដែល WF-H800 Hear.In 3 ដែលត្រូវបានរចនាឡើងមានពណ៌ចម្រុះ ដែលពិតជាលេចធ្លោ ជាជាងពណ៌ប្រផេះ និងពណ៌ខ្មៅនៃខ្សែស្រឡាយកាសស្តាប់ M3។

ម្យ៉ាងទៀត ក្រុមហ៊ុន Sony ក៏បាននិយាយថាកាសស្តាប់ឥតខ្សែថ្មី នឹងមានអាយុកាលថាមពលថ្មសរុប 16ម៉ោង នោះគឺរយៈពេល8ម៉ោងសម្រាប់ការបន្តស្តាប់តន្ត្រី តាមរយៈកាសស្តាប់ឥតខ្សែថ្មីផ្ទាល់ និងបូករួមជាមួយនឹងការសាកថ្មពេញបន្ថែមពី Case សាកថ្ម។

នៅក្នុងប្រទេសអូស្រ្តាលី កាសស្តាប់ត្រចៀកម៉ូដែល WF-H800 នេះគ្រោងនឹងចេញលក់នាខែមករា នៅក្នុងតម្លៃ $349.95 ។ ទន្ទឹមនឹងការស្តាប់ត្រចៀកម៉ូដែលថ្មីនេះ ក្រុមហ៊ុន Sony ក៏បានណែនាំកាសស្តាប់ត្រចៀកថ្មីៗប្រភេទ Over-ear និង On-ear នៅក្នុងព្រឹត្តិការណ៍ IFA 2019៕