ក្រុមហ៊ុនផលិតរថយន្តដ៏ល្បីក្នុងពិភពលោក​ Ford បានបញ្ចេញនូវរូបរាងរថយន្តស៊េរីថ្មីមួយគ្រឿងទៀតហើយដែលមានឈ្មោះថា Ford Raptor ដែលជាប្រភេទរថយន្តដែលមានកម្លាំងម៉ាស៊ីនខ្លាំងជាងរថយន្តដទៃទៀតរបស់ក្រុមហ៊ុន Ford។

សម្រាប់ប្រភេទរថយន្តនេះដែរ គឺត្រូវបានក្រុមបច្ចេកទេសបំពាក់នូវគ្រឿងបច្ចេកវិទ្យាដែលទាន់សម័យយ៉ាងច្រើនដូចជា ប្រព័ន្ធ​ABS ប្រព័ន្ធ Power diseal និងជាពិសេសស៊ីសាំងត្រឹមតែ ១០លីត្រប៉ុណ្ណោះក្នុងការបើកបររយៈចម្ងាយ ១០០គម។ លក្ខណៈពិសេសរបស់រថយន្តនេះផងដែរ គឺអាចបើកបរនៅលើវាលខ្សាច់ ចូលទៅក្នុងព្រៃ និងអាចបើកបរឡើងទៅលើភ្នំបានយ៉ាងងាយស្រួល។

រថយន្តម៉ាក Ford Raptor គឺមានកម្លាំងម៉ាស៊ីនរហូតដល់ 210bhp ចំណែកឯសន្ទុះនៃល្បឿនកើនចាប់ពី 0-62mph ទៅដល់ 106mph ឯណោះ ហើយត្រូវបានដាក់លក់នៅក្នុងតម្លៃ 47,000ផោន៕

ប្រែសម្រួលដោយ៖សំណាង